Bu gün, 7 iyun tarixində, Marneuli bazar ərazisində, işıqfora yaxın
ərazidə maşınların dayanmasını qadağan edən yol nişanı
quraşdırılıb.
Marneuli "Avtopark" MMC-nin direktoru Qiqa Calağonia "Marneuli"
radiosu ilə söhbəti zamanı bildirdi ki, maşın saxlamağı qadağan
edən yol nişanının quraşdırıldığı ərazidə yalnız ictimai nəqliyyat
dayana biləcək. Özəl maşın sürücüsü qadağa nişanına diqqət
yetirməzsə və yenə də maşını həmin ərazidə saxlayarsa, patrul
polisi onu cərimələyəcək.
Marneuli Bələdiyyə Məclisi Marneuli bazarı ərazisində qadağa
nişanının quraşdırılması barədə qərarı 2021-ci ilin mart ayında
qəbul edib. Bu barədə Bələdiyyə Məclisinə "Avtopark" MMC müraciət
edib.
9 mart tarixində Avtoparkın direktoru "Marneuli" radiosu ilə
söhbəti zamanı bildirmişdi ki, bazar ərazisində həmişə əhali
sıxlığı hiss olunur. Buna görə sərnişinlərə və ictimai nəqliyyata
təhlükə yaranır. Məhz buna görə saxlamağı qadağan edən nişanın
yerləşdirilməsinə ehtiyac yaranıb.