Marneuli yerli özünüidarəsi 2021-ci ilin üç ayı ərzində şagirdlərin
nəqliyyatla təmin edilməsinə 226 869 lari 77 tetri xərcləyib.
Marneuli meriyası “Time Servis” MMC ilə müqavilə bağlayıb. Tenderə
əsasən, şirkət müxtəlif kəndlərdə yaşayan şagirdlərin məktəbə
aparılmasını və məktəbdən çıxan zaman isə yenidən kəndə
qaytarılmasını təmin etməlidir.
“Time Servis” MMC və Marneuli meriyası arasında bağlanmış
təhvil-təslim aktından aydın olur ki, 2021-ci ilin 10 fevral
tarixindən 28 fevrala qədər olan dövrdə şirkət şagirdlərin
nəqliyyatla təmin edilməsi üçün 59 224 lari 64 tetri alıb. Şirkət 1
mart tarixindən 31 mart tarixinə qədər olan dövrdə 17 gün işləyib
və şagirdlərin daşınması üçün 76 858 lari 08 tetri alıb. Aprel
ayında isə “Time Servis” MMC meriyadan 90 787 lari 05 tetri
alıb.
“İctimai məktəb şagirdlərinin nəqliyyatla təmin edilməsi
proqramı”-na Marneuli bələdiyyəsinin 19 məktəbi və 2695 şagird
qoşulub.
Bələdiyyədə qeyd olunan proqramın həyata keçirilməsinə ötən ildən
başlanılıb. Ancaq pandemiyaya görə xidmət yalnız iki ay davam
edib.
Nəqliyyat xidmətindən istifadə edən məktəblərin siyahısını təqdim
edirik:
- Şulaveri 1 saylı ictimai məktəbi
- Şulaveri 2 saylı ictimai məktəbi
- Qasımlı ictimai məktəbi
- Tamarisi kənd 1 saylı ictimai məktəbi
- Əzizkənd ictimai məktəbi
- Araflı ictimai məktəbi
- Ağməmmədli kənd ictimai məktəbi
- Təzəkənd 1 saylı ictimai məktəbi
- Təzəkənd 2 saylı ictimai məktəbi
- Sabirkənd 1 saylı ictimai məktəbi
- Sadaxlı 1 saylı ictimai məktəbi
- Sadaxlı 2 saylı ictimai məktəbi
- Tsereteli ictimai məktəbi
- Kirəç-Muğanlı ictimai məktəbi
- Maradisi ictimai məktəbi
- Qızılhacılı 1 saylı ictimai məktəbi
- Kəpənəkçi ictimai məktəbi
- Qullar ictimai məktəbi