Marneuli bələdiyyəsi 2022-ci il boks üzrə Gürcüstan çempionatına ev
sahibliyi edib.
Çempionat şagirdlər arasında keçirilib. Yarışda Marneulili
idmançılar Royal Bədəlov və Fazil Sultanov ikinci, Qiorqi Mirzoyan
isə üçüncü yeri qazanıb. Turnirdə Marneulidən ümumilikdə, 14 boksçu
iştirak edib.
Turnirdə qalib gələn idmançılardan şagird boksçular arasında
Gürcüstan milli yığması yaradılacaq. Onlar sonradan Gürcüstanı
təmsil edərək beynəlxalq turnirlərdə, həmçinin, Avropa, Dünya
çempionatlarında iştirak edəcəklər.
Marneuli İdman Məktəbindən bildirdilər ki, çempionatda ümumilikdə
28 bələdiyyədən 170-ə yaxın boksçu iştirak edib.