8 may tarixində, Mtsxeta-Mtianeti fermerləri Maradisiyə gediblər.
“İqlim dəyişikliyinə davamlı kənd təsərrüfatı – PRAİSE MARNEULİ”
layihəsi “Elkana”-nın benefisiar femrerlərinə ev sahibliyi edib.
Tədbir Maradisidəki “Yaşıl Maradisi” qadın kənd təsərrüfatı
kooperativinin bazasında qurulmuş istixana-şitil təsərrüfatında
keçirilib. Layihə meneceri Cimşer Koşadzenin “Marneuli” radiosu ilə
söhbəti zamanı bildirdiyinə görə, Tianetili fermerləri tərəvəz
şitillərin yetişdirməyin müasir və iqlimə uyğun üsulları ilə tanış
ediblər.
“İsveçrə təşkilatı HEKS-EPER-in maliyyə dəstəyi ilə
CENN-nin həyata keçirdiyi “İqlim dəyişikliyinə davamlı kənd
təsərrüfatı – PRAİSE MARNEULİ” layihəsinin çərçivəsində fermerlərə
ev sahibliyi edirik. Bizim məqsədimiz Tianetili fermerləri bu
layihə çərçivəsində əldə olunan təcrübə, nümayiş üçün olan sahədə
açıq, eləcə də qapalı torpaqlarda nəyimiz varsa onlarla tanış
etməkdir. Nümayiş sahəsində ətraf mühitə davamlı kənd-təsərrüfatı
təcrübələrini nümayiş etdiririk. Tianetili fermerlə də bu barədə
danışdıq”.
Tianetili fermer Mirza Sisauri düşünür ki, Marneulidə əldə etdiyi
təcrübə onun fermer fəaliyyətinə də uğurlu təsir göstərəcək.
“Maradisidə çox yaxşı və vacib məlumat aldıq. Şitil
təsərrüfatına da baxdıq. Biz də yetişdirməyə və genişləndirməyə
başlayırıq. Bu məsləhətlər bizə çox kömək edəcək. Öz gözümüzlə
bibər, brokoli, pmoidor, kahı (salat) şitillərini necə
yetişdirdiklərini gördük”.
Bioloji Təsərrüfatlar Assosiasiyası “Elkana”-nın marketinq üzrə
mütəxəssisi Davit Tarimanişvili deyir ki, Marneulidə Tianetili
fermerlərin gəlişi yerində şitil yetişdirilməsinin müasir
texnologiyaları ilə tanış olmaq baxımında mühüm idi.
“Biz Tianetidə Avstriyanın İnkişaf Əməkdaşlığı
tərəfindən maliyyələşdirilən dörd illik layihə həyata keçiririk.
Layihə orqanik kənd təsərrüfatının inkişafı və turizmə dəstəklə
bağlıdır. Layihənin çərçivəsində bu gün Marneulidə, Maradisinin
nümayiş sahəsində olduq. Fermerlər kənd təsərrüfatıbıb davamlı
inkişafına istiqamətlənmiş, açıq torpaqda tərəvəz və müxtəlif
bitkilərin becərilməsinin müasir texnologiyaları ilə tanış
oldular”.
Artıq 2 ildir “Kartlisi” şirkəti CENN təşkilatı ilə əməkdaşlıq
edir. “Kartlis”-in akademik rəhbəri Lela Qvasalia bildirdi ki,
Marneuli bələdiyyəsində fermerlərə dəfələrlə təlimlər keçirilib.
Fermerlərin müxtəlif bitkilərə qulluq haqqında məlumat almaq imkanı
var idi.
“Əməkdaşlığımız kifayət qədər məhsuldar oldu. Çox yaxşı müxtəlif
məhsul əldə etdik. Bu insan sağlamlığı üçün təhlükəsizdir. Biz
CENN-lə əməkdaşlığa davam edəcəyik və ümid edirik ki, Marneuli
bələdiyyəsində kənd təsərrüfatınını inkişafına böyük töhfə
verəcəyik.
Tədbir “İsveçrə təşkilatı HEKS-EPER-in maliyyə dəstəyi ilə CENN-nin
həyata keçirdiyi “İqlim dəyişikliyinə davamlı kənd təsərrüfatı –
PRAİSE MARNEULİ” layihəsinin çərçivəsində keçirilib. Layihənin
məqsədi Marneuli bələdiyyəsində ətraf mühitə və iqlimə davamlı kənd
təsərrüfatına (CRA) dəstək yolu ilə əhalinin gəlir imkanlarını
artırmaqdır.