Marneuli 4 saylı uşaq bağçasında artıq bir neçə gündür ki, isitmə sistemi aparatlarından biri xarab olub.

Bu səbəbdən bağçada iki qrupun sinif otağında isitmə sistemi yoxdur. Bu barədə “Marneuli” radiosu ilə söhbəti zamanı Uşaq Bağçaları birliyinin rəhbəri Zaur Kərəmov bildirdi. Onun sözlərinə görə, bu hal dərs prosesinə heç bir maneəçilik yaratmayıb.

“Marneuli 4 saylı

uşaq bağçasında dərs prosesi dayandırılmayıb. Sadəcə iki ədəd isitmə aparatlarından biri xarab olub. Onun platası Tbilisiyə düzəldilməyə göndərilib. O, iki qrupda istilik sistemi işləmir. Ona qədər iki qrupda olan uşaqlar, 6 qrup olan tərəfə yerləşdirlib və orada dərs keçirlər. Valideynlərə istilik sistemi düzələnə qədər uşaqlarını digər qrupa əlavə etməli olduqları tapşırılıb.

Zaur Kərəmovdan uşaqların sinif otağına necə yerləşdiklərini soruşduqda o bizə cavab olaraq uşaqların sayının sinif otaqlarının böyüklüyünə görə bölündüyünü bildirdi. Daha sonra isə izah etdi ki, qeydiyyatdan keçdikdən sonra uşaqların 30-40%-i dərslərə gəlmir.

“Hamısı gəlsə əlbəttə ki, yerləşməz. Bilirsiniz ki, uşaqların qeydiyyatda olan sayından həmişə az sayda uşaq bağçaya gəlir”, - Zaur Kərəmov dedi.

Zaur Kərəmov artıq isitmə sistemlərinin hazır olduğu haqqında məlumatı əldə etdiklərini və gəlib quraşdıracaqlarını bildirdi.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---