Marneuli şəhərinin majoritar deputatı Vasil Xaxulaşvili “Marneuli” radiosu ilə söhbəti zamanı bildirib ki, bir neçə günə Algeti çayının sahilində təmizlik işlərinə başlanılacaq.

Marneuli bələdiyyəsindən keçən Algeti çayının sahili Marneuli bazar ərazisində çirklənib. Sahildə plastik, selofan torbalar, şüşə və plastik qablar, istifadə olunmuş bezlər, heyvan qalıqları, kimyəvi, bioloji tullantılar, məişət, yaxud tikinti tullantılarına və s. rast gəlmək olar. Bununla əlaqədar “Marneuli” radiosu 5 mart tarixində məlumat yaymışdı. Həmin vaxt meriyadan bildirmişdilər ki, çay sahilində təmizlənmə işləri aparmaq onların səlahiyyətinə daxil deyil.

Marneulinin majoritar deputatı Vasil Xaxulaşvili bu gün, 19 mart tarixində “Marneuli” radiosu ilə söhbəti zamanı bildirib ki, Algeti çayı sahilinin təmizlənməsi ilə əlaqədar hələ 2025-ci il büdcəsinin müzakirə prosesində təklif irəli sürüb, sahil bəndi yaxın zamanda tikiləcək.

“Algeti çayı sahilində heç vaxt təmizlənmə işi aparılmayıb. Mənim təşəbbüsüm idi, büdcənin birinci müzakirəsində bu məsələni qaldırdım, təsdiqləndi və Algeti çayı sahilinin təmizlənməsi nəzərdə tutulur. Bir neçə günə işlər başlayacaq”- Vasil Xaxulaşvili bildirib.

Xaxulaşvilinin sözlərinə görə, Algeti çayı Marneulinin mərkəzi meydanından, Marneuli bazar ərazisinə qədər təmizlənəcək.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---