Bu gün, aprelin 16-da Marneuli Bələdiyyə Məclisi 5 159 826 və 5 640 394 lari dəyərində layihələrin həyata keçirilməsi üçün Marneuli meriyasına razılıq verib.

Marneuli meriyasının Maliyyə və Büdcə Xidmətinin rəhbəri Koba Çxitunidze Marneuli Bələdiyyə Məclisində çıxış edərək qeyd edib ki, qeyd olunan layihələrin dəyəri Marneuli bələdiyyəsinin vergilərinin 5%-ni aşıb, ona görə də layihələrin həyata keçirilməsi üçün Meriya Bələdiyyə Məclisinin razılığına ehtiyac duyur.

"Vergilərin pulla ifadə edilən 5%-i cəmi 4 306 677 lari təşkil edir ki, bu da nəzərə alınmaqla, iki layihənin dəyərinin 5%-ni, yəni bu məbləği aşır. Bələdiyyə Məclisinin iclasında razılıq almaq üçün biz bu iki layihəni təqdim edirik", – Koba Çxitunidze bildirib.

Marneuli yerli özünüidarəsi 5 640 394 lariyə Tamarisi kəndinə gedən yolunun bərpa işlərini, 5 159 826 lariyə isə Tsereteli kəndinin daxili yollarının bərpa işlərinin ikinci mərhələsinin alınmasını nəzərdə tutur.
Bələdiyyə Məclisinin iclasında ümumilikdə 4 məsələ müzakirəyə çıxarılıb. Deputatlar hər dörd məsələ ilə bağlı müsbət qərar qəbul ediblər.