Marneuli bazarının yaxınlığından keçən Algeti çayının sahili
yenidən tullantılarla çirklənib.
Sahilboyu ərazilərdə plastik qablar, polietilen torbalar, şüşə və
plastik su qabları, istifadə olunmuş uşaq bezləri, heyvan
qalıqları, kimyəvi və bioloji tullantılar, eləcə də məişət və
tikinti tullantılarına rast gəlinir.
“Marneuli” radiosu hələ martın 5-də çayın çirkləndirilməsi ilə
bağlı məqalə dərc etmişdi. Martın 19-da isə Marneuli Bələdiyyə
Məclisinin
üzvü, şəhərin majoritar nümayəndəsi Vasil Xaxulaşvili
bildirmişdi ki, yaxın zamanda sahillərin təmizlənməsi
planlaşdırılır.
Mayın 1-nə olan müşahidələr göstərir ki, sahil yenidən çirklənib.
Məsələ ilə bağlı “Marneuli” radiosuna danışan Vasil Xaxulaşvili
qeyd etdi ki, sahil təmizlənmişdi, lakin yağışlar və yerli
sakinlərin məsuliyyətsizliyi nəticəsində vəziyyət yenidən əvvəlki
halına qayıdıb:
“Algeti çayının məcrasının mühafizəsi və təmizlənməsi
ilə bağlı tender elan olunub. Mütəxəssislər yerində baxış keçirib,
smeta təqdim edilib. Biz çayın bazara qədər olan hissəsində abadlıq
işləri aparıb tam təmizlədik, lakin sonradan güclü yağışlar və
axınla gələn zibil məcranı yenidən çirkləndirdi. Hazırda hava
şəraitinə uyğun olaraq yeni təmizlik işləri
planlaşdırılır.”
Deputat yerli əhalini daha məsuliyyətli olmağa çağırır:
“Əhali başa düşməlidir ki, heç bir bələdiyyə və ya
təmizlik xidməti çaya tullantı atılmasının qarşısını tam ala
bilməz. Biz bu cür davranışla öz şəhərimizi, uşaqlarımızı və
gələcəyimizi təhlükəyə atırıq.”
Xaxulaşvilinin sözlərinə görə, Algeti çayının sahili Sovet
dövründən sonra sistemli şəkildə təmizlənməyib və bu səbəbdən çayın
təbii yatağı bərpa olunmayıb. Hazırda Marneuli meriyası çayın
sahilinin təmizlənməsi və daşqın risklərinin azaldılması üçün
tender prosesini davam etdirir.
Bizi Teleqramda izləyin! Yeni xəbərlər anında kanalda!
Linkə daxil olub
abunə olun!
Bizi WhatsAppda izləyin! Yeni xəbərlər anında kanalda!
Linkə daxil olub
abunə olun!
Digər maraqlı xəbərlər
"Marneuli" radiosunun
Facebook səhifəsində.
Bizi
"Telegram"da
izləyin.
Şahidi olduğunuz hadisələri çəkib bizə göndərin!
+995557994415