Marneuli bələdiyyəsinin dörd kəndində yerləşən binalarda mərkəzi istilik sisteminin layihələndirilməsi üçün elan olunan ikinci tender də baş tutmayıb.

Meriya martın 26-da Saimerlo, Tamarisi və Tsereteli kəndlərinin çoxfunksiyalı binaları ilə yanaşı, Tsereteli kənd inzibati ərazi vahidliyinin binası üçün istilik sistemlərinin layihə-smeta sənədlərinin hazırlanması məqsədilə tender elan etmişdi.

Yalnız bir iştirakçı – “D-M” MMC tenderdə iştirak edərək 11 200 lariyə işləri yerinə yetirməyi təklif edib. Lakin tender komissiyasının protokoluna əsasən, şirkət tələb olunan sənədləri – qiymət cədvəlini, iddiaçının və mütəxəssisin iş təcrübəsi ilə bağlı məlumatları üç iş günü ərzində təqdim etmədiyinə görə tenderdən kənarlaşdırılıb.

Qeyd edək ki, Marneuli meriyası bu layihə ilə bağlı ilk tenderi fevralın 27-də elan etmişdi, lakin həmin tenderə heç bir şirkət qatılmadığı üçün o da nəticəsiz başa çatmışdı.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---