Marneuli yerli özünüidarəsi Gürcüstanın Müstəqillik Gününün qeyd edilməsi çərçivəsində keçirilən güləş yarışında musiqi müşayiətinin təmin olunması üçün fərdi sahibkar Vladimir Kimadze ilə müqavilə imzalayıb.

 

Sadələşdirilmiş qaydada bağlanmış müqaviləyə əsasən, meriya zurna, qarmon və nağara ifa edən üç musiqiçinin xidmətlərini satın alıb. Musiqiçilərin çıxışları idman tədbirləri zamanı, xüsusilə gürcü güləşi, qol güləşi və oxatma yarışları zamanı təqdim olunub.

“Məlumat üçün bildiririk ki, 26 may – Müstəqillik Günü münasibətilə ənənəvi bayram tədbirləri keçirilir. Bu tədbirlər çərçivəsində müxtəlif idman yarışları təşkil olunur və onların tam şəkildə keçirilməsi üçün musiqi müşayiəti vacib hesab edilir. Eyni zamanda tədbir üçün bir qoyun, 15 kubok, 65 medal və 70 sertifikat alınmalıdır”, – müqavilə mətnində qeyd olunur.

Meriya musiqi xidmətlərinə görə Vladimir Kimadzeyə ümumilikdə 830 lari ödəyib.

Qeyd edək ki, meriya idman yarışlarının qalibləri üçün fərdi sahibkar Nato Tsartsidzedən sadələşdirilmiş qaydada 650 lariyə bir qoyun, fərdi sahibkar Rahib Nəsibovdan isə 1035 lari dəyərində 15 kubok, 65 medal və 70 sertifikat alıb.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---