Kvemo Kartli qubernatorunun birinci müavini Qiorqi Sincikaşvili vəzifəsindən istefa verib. O, bu barədə sosial şəbəkə hesabında paylaşım edərək, qərarını şəxsi səbəblərlə izah edib.

“Məsuliyyətli fəaliyyəti üçün bütün bələdiyyələrə təşəkkür edirəm. Hər bir dövlət qulluqçusuna dostluq və ölkəyə göstərilən xidmətə görə minnətdaram. Həmkarlarıma dəstəyə və sədaqətə, hökumət qurumlarına isə əməkdaşlığa görə təşəkkür edirəm. Hər zaman olduğu kimi, ölkəmin

və millətimin xidmətində qalacağam”, – deyə Sincikaşvili bildirib.

Onun istefası rəsmi olaraq şəxsi qərar kimi təqdim olunsa da, son bir ildə mediada Qiorqi Sincikaşvili ilə “Xareba” komandası arasında gərgin münasibətlərin mövcudluğu barədə mütəmadi xəbərlər yayılıb. Məlumatlara görə, bu qarşıdurma regionda hakim partiya daxilindəki münasibətlərə də təsir göstərib və bəzən partiya üzvləri arasında daxili qarşıdurmalara səbəb olub.

Qiorqi Sincikaşvili ilə “Xareba” qrupu arasında gərginliyin mövcudluğunu Gürcüstan Dövlət Təhlükəsizliyi Xidmətinin keçmiş yüksək vəzifəli əməkdaşı İrakli Şaişmelaşvili də təsdiqləyib.

Qeyd edək ki, bu dəyişiklik Kvemo Kartliyə yeni dövlət nümayəndəsi Levan Xarabadzenin təyin olunmasından bir neçə gün sonra baş verib. Hazırda dövlət nümayəndəsinin birinci müavini postuna kimin təyin olunacağı məlum deyil.

Hələ ki, Kvemo Kartli üzrə dövlət nümayəndəsinin birinci müavini vəzifəsini kimin tutacağı məlum deyil.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---