Seymur Kazımov, Gəncə, 17 oktyabr, 13.00: Hazırda Gəncədə raketlər
düşən ərazilərdə axtarış tədbirləri davam edir.
Fövqəladə Hallar nazirliyinin xilasediciləri xüsusi təlim keçmiş
köpəklərin vasitəsi ilə uçqunlar altında sağ qalanları axtarırlar.
Onların keçdikləri yerlərdə işə texnika cəlb olunur.
Gəncənin millət vəkili Müşfiq Cəfərov:
– Raketlər gecə vaxtı şəhərin bir-birindən 4-5 km aralı iki
küçəsinə düşüb. Hər iki məhəllədə yalnız mülki əhalinin yaşadığı
evlər yerləşir, hərbi obyekt yoxdur, yəni məhz yaşayış binaları
hədəf götürülüb. Hələlik ölənlərin sayı 13 nəfərə çatıb, 52 nəfər
yaralanıb.
Raketlər düşən ərazilərdə iş davam edir
Mənbə : pressklub.az