Daxili İşlər Nazirliyinin Kvemo Kartli Polis Departamentinin
Qardabani Rayon Şöbəsinin əməkdaşları aparılan operativ-axtarış və
istintaq tədbirləri nəticəsində 1974-cü ildə doğulmuş Ş.İ.-ni qarət
ittihamı ilə saxlayıblar.
DİN-in verdiyi məlumata görə, cinayət əməli 7 ildən 11 ilədək
azadlıqdan məhrum etməni nəzərdə tutur.
“İstintaq nəticəsində müəyyən olundu ki, müttəhim
Qardabani Bələdiyyəsinin Qara Təhlə kəndində, vətəndaşın
avtomobilindən 100 000 lari oğurlayaraq hadisə yerindən qaçıb.
Polis Ş.İ.-ni hadisə baş verdikdən dərhal sonra Rustavi şəhərində
yaxalayıb. Hüquq-mühafizə orqanlarının əməkdaşları müttəhim
tərəfindən qanunsuz yolla ələ keçirilmiş pulun bir hissəsini
maddi-sübut kimi götürüblər”, – deyə DİN
bildirib.
Qurumun bildirdiyinə görə, böyük miqdarda qarət faktına görə
istintaq CM-nin 178-ci maddəsinin 4-cü hissəsinin “b” altbəndi ilə
aparılır.