DTX bölgədəki etnik gürcülər və azərbaycanlılar arasında ədavət qızışdırma faktı ilə bağlı istintaqa başladı
Dövlət Təhlükəsizliyi Xidmətinin Dövlət Təhlükəsizliyi Departamenti
irqi ayrı-seçkilik maddəsi ilə istintaqa başlayıb.
Dövlət Təhlükəsizlik Xidməti açıqlama yayıb. Açıqlamada bildirilir
ki, departamentdə mövcud olan operativ məlumatlara əsasən,
Gürcüstanda Kvemo Kartli və Kaxeti bölgələrində etnik gürcülər və
azərbaycanlılar arasında etnik qarşıdurmanı qızışdırmağa çalışan
qruplar və bir sıra vətəndaşlar var.
"Bu insanlar illər ərzində yığılıb qalmış bəzi məsələlərdən
aktiv şəkildə istifadə edirlər ki, bunlardan da qeyri-düzgün
şəkildə istifadə olunması, vətənpərvərlik motivləri səsləndirilməsi
və hər hansı bir etnik qrupa qarşı qəsdən ictimai çağırışlar
edildiyi təqdirdə etnik azərbaycanlıların sıx yaşadığı bölgələrdə
onların etnik gürcülərlə dinc şəraitdə birgə yaşaması üçün açıq
təhlükə yaradır. Bu şəxslər dövlətin və hökumətin səlahiyyətlərinə
aid olan məsələlərə qarışaraq Kvemo Kartli və Kaxeti bölgələrində
mövcud məsələlərdən milli zəmində ədavət yaratmaq məqsədilə
istifadə etməyə çalışırlar", – bəyanatda bildirilir.
DTX-nın yazdığına görə, bir qrup şəxs qeyd olunan istiqamətdə
qeyri-düzgün və aqressiv çağırışlar yolu ilə regionda yaşayan etnik
gürcü və azərbaycanlı Gürcüstan vətəndaşları arasında ədavət
yaratmağa çalışırlar ki, bu da hər iki tərəfdən milli hörmət və
ləyaqəti alçaldan bəyanat və hərəkətlərə səbəb olur, bu qrup ümid
edir ki, milli zəmində ədavət yaradılması yolu ilə insanların etnik
mənsubiyyətinə görə hüquqları qanunsuz şəkildə pozulacaq.
"Bir qrup şəxs öz ictimai bəyanatlarında və ya
ideologiyalarında vəziyyəti elə göstərməyə çalışırlar ki, sanki
etnik gürcü əhaliyə digər etnik azlıqlarla müqayisədə üstünlük
verilir. Bu isə milli münaqişə riskini artırır. Dövlət
Təhlükəsizlik İdarəsi irqi ayrı-seçkilik faktı ilə bağlı Gürcüstan
Cinayət Məcəlləsinin 1421-ci maddəsinin 3-cü hissəsinin “a” bəndi
ilə istintaq aparır. Həmin maddə qrup tərəfindən milli düşmənçilik
və ədavət yaratma, milli hörmət və ləyaqəti alçaltma məqsədi ilə
yol verilmiş hərəkət, eyni zamanda insanların milli və etnik
mənsubiyyətinə görə hüquqlarının birbaşa və ya dolayı yolla
məhdudlaşdırılması, və ya eyni əlamətlərlə insanlara üstünlük
verilməsini nəzərdə tutur”, – DTX-nin bəyanatında
yazılıb