«Վրացական երազանք»-ի Մառնեուլիի մեծամասնական թեկնածուն կլինի
Մառնեուլիի քաղաքապետ Զաուր Դարգալին: «Ռադիո Մառնեուլիի» հետ
զրույցում Դարգալին ասել է, որ ինքը իր թեկնածության մասին այնքան էլ
երկար ժամանակ չէ ինչ գիտի:
«Կուսակցությունների ղեկավարները խորհրդակցել են այս հարցի
վերաբերյալ, հետո նրանք ինձ հայտնել են այդ տեղեկատվությունը: Ինձ
համար պատգամավոր լինելը ինքնանպատակ չէ, քաղաքապետն ինքնանպատակ չէ:
Ինձ համար ամենակարևորը մեր ժողովրդի հետ խոսելն է ՝ Մառնեուլիի: Այժմ
ավելացվում է Գարդաբանին, և քանի որ մենք մեկ տարի առաջ տպավորիչ
հաղթանակ տարանք Մառնեուլիում, ես վստահ եմ, որ մենք նորից հաղթելու
ենք », - ասել է Զաուր Դարգալին:
Մառնեուլիի քաղաքապետը և մեծամասնական թեկնածուն մեզ ասաց, որ առայժմ
հայտնի չէ, թե երբ նա կդադարեցնի իր քաղաքապետի կարգավիճակը, որպեսզի
ներգրավվի ընտրական գործընթացին:
«Որպես ապագա խորհրդարանի անդամ, ես կանեմ հնարավոր ամեն ինչ, որպեսզի
խորհրդարանում լինեմ ինչպես Մառնեուլիի, այնպես էլ Գարդաբանի ժողովրդի
ձայնը: «Ես ամեն ինչ կանեմ, որպեսզի լինեմ խորհրդարանի ակտիվ անդամ ՝
լուծելու մարտահրավերները տեղում, որ ամրապնդվի ինքնակառավարումը»,-
ասել է Զաուր Դարգալին:
Ռադիո Մառնեուլիի այն հարցին, թե արդյո՞ք վերջին ամիսներին
Մառնեուլիում տեղի ունեցող իրադարձությունները կազդի ընտրությունների
արդյունքների վրա , Դարգալին ասել է, որ նա և «Վրացական երազանք»
կուսակցությունը ունեն ամբողջ բնակչության աջակցությունը, և նա վստահ
է հաղթանակի վրա:
20/07/2020
«Ռադիո Մառնեուլի»
Թարգմ․ ՝ Մարգարիտա Միսկարյան