Վրաստանի կրթության, գիտության, մշակույթի և սպորտի նախարարությունը և
Վրաստանի Առաջին ալիքը միասին սկսում են կրթական նախագիծ, որը կոչվում
է «Հեռուստադպրոց»։ «Հեռուստադպրոցը» կհեռարձակվի Վրաստանի երկրորդ
ալիքով մարտի 30-ից։
Նախագիծը նախատեսում է դպորացական երեխաների համար ազգային
ուսումնական ծրագրով նախատեսված հեռուստադասերի անցկացում։ Նպատակը
բոլոր աշակերտների համար կրթության հասանելիությունն է։
Առցանց դասավանդման իրականացում աշակերտների հետ տարբեր հարթակների
միջոցով Մառնեուլիի №2 և №5 դպրոցների աշխարհագրության, պատմության և
քաղաքացիական կրթության ուսուցիչ Թեմուր Սուխաշվիլին արդեն սկսել է։
Սակայն դժվարությունների է հանդիպել, երբ աշակերտների մի մասը
համակարգիչ կամ ինտերնետ չի ունեցել։ Հույս ունի , որ
«Հեռուստադպրոց»-ին բոլոր աշակետները կմիանան, բայց այնուամենայնիվ
այս ամենի մեջ ամենամեծ դերը ծնողներին է պատկանում։
Հեռուստադպրոցն ունի իր դրական կողմերը, բայց այստեղ երկրոդ կողմ կա,
որ աշակերտները չունեն հետադարձ կապի հնարավորություն։ Ծնողները
կրելու են մեծ պատասխանատվություն, որ երեխաները նստեն էկրանների մոտ
և դիտեն դասերը, հետևաբար ծնողներից շատ բան կախված կլինի թե որքանով
կհաջողվի այս նախագիծը։ Կոչ եմ անում մառնեուլցի ծնողներին , որ
ուշադիր լինեն և բացատրեն իրենց երեխաներին , որ որոշակի
հմտություններ զարգացնեն»։
Նախագծին ներգրավված կլինեն պետական և մասնավոր դպրոցների
ուսուցիչներ, որոնք 1-12-րդ դասարանցիների համար կվարեն
հեռուստադասեր։ Դասերը կանցկացվեն երկուշաբթիից ուրբաթ և կսկսվեն ամեն
առավոտ ժամը 09։00-ին։ Շաբաթ և կիրակի օրերին նախագծին կավելացվեն
տարբեր ճանաչողական ծրագրեր։
Կորոնավիրուսի կանխարգելման նպատակով վարչապետի նախաձեռնությամբ
գործող միջգերատեսչական խորհուրդը հետաձգել է դասապրոցեսը։
28․03․2020
«Ռադիո Մառնեուլի»
Թարգմ․՝Մարգարիտա Միսկարյան