Մառնեուլիի մունիցիպալիտետի տեղական իշխանությունները չեղյալ են հայտարարել 11 մրցույթներ, իսկ հետո հայտարարել նորերը։

Համաձայն դադարեցման արձանագրությունների՝ մրցույթները դադարեցվել են Մառնեուլիի քաղաքապետարանի քաղաքաշինության, տարածքային պլանավորման, ճարտարապետության և շինարարության ծառայության ղեկավար Իլիա Կալաբեգաշվիլիի գրության հիման վրա։

«Անհրաժեշտ կազմակերպչական կարիքներով պայմանավորված ծառայությունների մանրակրկիտ վերլուծության արդյունքում մի շարք դեպքերում պարզ է դառնում, որ ընթացիկ մրցութային ընթացակարգերում տեղադրված նախագծային հաշվառման փաստաթղթերում առկա են ծավալային/պլանային/ծախսային

հաշվառման պարամետրային անհամապատասխանություններ, այդ թվում՝ հիմնվելով այս մրցութային կարգի կողմից ներկայացված անհրաժեշտ առաջարկությունների վրա պահանջում է էական ուղղումներ և որոշ դեպքերում նույնիսկ լրացումներ նախագծային փաստաթղթերի որոշ մասերում»: - նշված է Իլիա Կալաբեգաշվիլիի՝ Մառնեուլիի քաղաքապետին ուղղված նամակում

Մառնեուլիի քաղաքապետարանի քաղաքաշինության, տարածքային պլանավորման, ճարտարապետության և շինարարության ծառայության պետի գրության մեջ նշվում է, որ անհրաժեշտ է դադարեցնել արդեն հայտարարված մրցույթները, քանի որ եթե դրանք շահեր ընկերությունը, անհնար կլիներ փոփոխություններ կատարել պայմանագրում։

Մառնեուլիի մունիցիպալիտետի տեղական իշխանությունները չեղարկել են 27 462 436 լարի ընդհանուր արժողությամբ 11 մրցույթներ և հետագայում դրանք հայտարարել։
Մենք առաջարկում ենք մրցույթների ցանկը և դրանց ծախսերը ՝ 

Մառնեուլիի մունիցիպալիտետի Շահումյան գյուղի ներքին ճանապարհների վերականգնման աշխատանքների պետական ​​գնում՝ 1 697 579 լարի.
Մառնեուլիի քաղաքապետարանի Քուշչու գյուղի ջրամատակարարման հորի և ջրամատակարարման ցանցի վերականգնման աշխատանքների գնում՝ 954,008 լարի.
Մառնեուլիի քաղաքապետարանի Քվեմո Սարալի գյուղի ներքին ճանապարհների վերականգնման աշխատանքների պետական ​​գնում՝ 1 165 012 լարի.
Մառնեուլիի մունիցիպալիտետի Երկրորդ Կեսալո գյուղի ջրամատակարարման ցանցի վերականգնման աշխատանքների գնում՝ 2,996,046 լարի.
Մառնեուլիի մունիցիպալիտետի Իմիրի գյուղի ներքին ճանապարհների վերականգնման աշխատանքների պետական ​​գնում՝ 362 119 լարի.
Մառնեուլիի մունիցիպալիտետի Թամարիսի գյուղի մուտքի ճանապարհի վերականգնման աշխատանքների գնում՝ 5,640,394 լարի.
Մառնեուլի շրջանցիկ ճանապարհի (թիվ 1) շինարարության աշխատանքների գնում՝ 3 614 625 լարի.
Մառնեուլիի քաղաքապետարանի Ալգեթի գյուղի Մոլա Բայրամլի փողոցի վերականգնողական աշխատանքների պետական ​​գնում (II փուլ) – 1,114,592 լարի.
Մառնեուլիի մունիցիպալիտետի Ծերեթելի գյուղի ներքին ճանապարհների վերականգնման աշխատանքների պետական ​​գնում (II փուլ) – 5,159,826 լարի.
Խուտորլեժբադինի և Քութլիարի գյուղերը կապող ճանապարհի շինարարական աշխատանքների պետական ​​գնում՝ 1 018 692 լարի.
Մառնեուլիի քաղաքապետարանի Սայիմերլո գյուղի ներքին ճանապարհների վերականգնման աշխատանքների պետական ​​գնում (III փուլ) – 3 739 543 լարի։



"Ռադիո  Մառնեուլի"
Թարգմ․  ՝  Մարգարիտա  Միսկարյան