Այսօր ՝ հունիսի 14-ին, Մառնեուլի «Ջեո Հոսպիտալ»-ի ծննդատան և
ամբուլատոր կենտրոնի
բակում քաղաքացիները կարող են անցնել կրծքագեղձի քաղցկեղի ծրագրով
նախատեսված հետազոտություններ: «Ռադիո Մառնեուլի»-ի հետ զրույցում
Վրաստանի ազգային սկրինինգի կենտրոնի տնօրեն Էթեր Կիգուրաձեն ասել է,
որ բնակչությանը կտրամադրվեն քաղցկեղի սկրինինգային ծրագրով մատուցվող
ծառայություններ:
«Այս հետազոտությունները ներառում են մամոգրաֆիա, անհրաժեշտության
դեպքում, ուլտրաձայնային, բիոպսիա, ցիտոլոգիական հետազոտություն:
Ծրագրին կարող են մասնակցել 40-70 տարեկան կանայք: Այս տեսակի
գործողություններն իրականացվում են մարդկանց աշխարհագրական
հասանելիությունը պաշտպանելու, տան մոտ նման հետազոտություններ
անցկացնելու, ապա պաթոլոգիա առկայության դեպքում ՝ վաղ փուլում
հայտնաբերելու և հիվանդությունն ավելի հեշտ կառավարելի դարձնելու
համար », - ասել է Էթեր Կիգուրաձե։
Մառնեուլիի «Ջեո Հոսպիտալ»-ի ծննդատան և ամբուլատոր կենտրոնի ղեկավար
Նինո Կոբերիձեն «Ռադիո Մառնեուլի»- ին ասել է, որ հետազոտությունները
կշարունակվեն երկու օր `բժշկական կենտրոնի և ազգային զննումների
կենտրոնի համագործակցությամբ:
«Այսօր և վաղը ՝ հունիսի 14-ին և 15-ին, մենք անվճար ստուգումներ
կանցկացնենք նախաքաղցկեղային սկրինինգային հետազոտությունների համար:
Կարծում եմ, որ դա շատ կարեւոր է, քանի որ հետազոտությունները
կատարվում են նախքան խնդրի բարդանալը»:
Նոնո Կոբերիձեի խոսքով ՝ գործողությունն ընթանում է անվտանգ
միջավայրում, և պահպանվում են կորոնավիրուսի հետ կապված բոլոր
առաջարկությունները:
Մառնեուլիի փոխքաղաքապետ Քենան Օմարովը դրական է գնահատել
հիվանդության զննման ծրագրի շրջանակներում անվճար հետազոտությունների
մեկնարկը և շնորհակալություն հայտնել բժշկական հաստատության
ներկայացուցիչներին:
14․06․2021
«Ռադիո Մառնեուլի»
Թարգմ․ ՝ Մարգարիտա Միսկարյան