Marneuli və Hucabi Yepiskopu Qiorqi (Camdeliani) “İnsan
Hüquqlarının Araşdırılması və Monitorinqi Mərkəzi” (EMC)
qeyri-hökumət təşkilatı nı,
Samirə Bayramovanı və Bütün Gürcüstan Müsəlmanlarının Ali Dini
İdarəsini destruktv qüvvələr adlandırıb və onları dini və etnik
zəmində mübahisə yaratmaqda ittiham edib.
Samirə Bayramovanın Marneuli və Hucabi yepiskopunun bəyanatı ilə
bağlı şərhini olduğu kimi sizə təqdim edirik:
“Ay yarımdan artıqdır ki, EMC məhkəməyə mənim və daha
bir dini təşkilatın adı ilə Marneuli Bələdiyyə Mərkəzinə qarşı
şikayət ərizəsi verib. Ərizə dini təşkilatların bələdiyyə
büdcəsindən qeyri-bərabər və qeyri-sekulyar qaydada
maliyyələşdirilməsi ilə əlaqədardır. Siz bilirsiniz ki, 26 dekabr
tarixində Marneuli büdcəsi təsdiqləndi. İnsan hüquqları ilə bağlı
çalışan təşkilatların və vətəndaşların dini təşkilatların
maliyyələşdirilməsinin büdcəyə daxil edilməsi ilə bağlı tənqidinə
baxmayaraq Bələdiyyə Məclisi həmin bəndi yenə də büdcədə saxladı.
Büdcədə qeyd olunur ki, qeyd olunan xərcin məqsədi “dini
dözümlülüyün təbliğatı və əhalidə dini hisslərin artırılmasıdır”.
Düşünürəm ki, demokratik dövlətdə dini təşkilatlara dini məqsədlər
üçün büdcə resursları vermək ümumiyyətlə düzgün deyil. Mənim
tələbim odur ki, bu məbləğdən fiziki imkanları məhdud, aztəminatlı
ailələr və ekomiqrantlar üçün istifadə olunsun. Bizim bələdiyyədə
çox sayda problem var. Meriya və Bələdiyyə Məclisi buna cavab
vermir. Yeparxiya özü və müsəlman təşkilatları da bununla
razılaşmalıdır və ehtiyacı olan adamları nəzərə almalıyıq. Bu
təcrübə həm də diskriminasiya xarakterlidir. Marneuli büdcəsindən
məscid üçün 10 000, yeparxiya üçün isə 400 000 lari ayrılıb. Bizim
bələdiyyədə resursların belə bölünməsi hansı məntiqlə baş verir?!
Aydındır ki, bu diskriminasiyadır.
Şikayət əlbəttə Yeparxiyaya qarşı deyil. Təəssüf ki, şikayətin
məzmununu bilmirlər. Biz yalnız dövlətdən ictimai maraqları və
Konstitusional prinsipləri qorumasını tələb edirik. Mən Marneuli
Hucabinin səhifəsində yalan məlumat gördüm və sosial şəbəkədə şərh
yazdım, Hucabinin özü əhalini yanlış istiqamətləndirib. Orada nə
küçələrə dini su səpilməsindən, nə də başqa mövzudan söhbət
getmirdi. Ona görə də yaxşı olar ki, keşiş təfərrüatları
dəqiqləşdirsin və elə bəyanat versin.
Mən şəxsən səhifədə yalan məlumat görəndə Qiorqi Camdelianiyə zəng
vurdum. Təəssüf ki, cavab vermədi. Hamıdan xahiş edirəm ki, bu kimi
bəyanatlardan çəkinsinlər.
Bütün bu müddət ərzində bizim icmamız irqi ayrı-seçkiliyə və
ksenofobiyaya məruz qalır. Çox təəssüf ki, mən keşişdən buna qarşı
heç nə eşitməmişəm. Heç keçmişdə də onlardan bununla bağlı dəstək
almamışam. Azərbaycanlıların öz hüquqlarını və vətəndaş ideyalarını
qoruması problem hesab olunmalıdır?! Məhkəmə davasında qanunsuz nə
isə var?! Tənqid yolları və siyasi iştirak yetərli olmadı ki,
bələdiyyə üzvləri bizim problemi nəzərə alsınlar... Mən hesab
edirəm ki, demokratik dövlət məhz belə qurulur. Bu günlərdə çox
sayda gürcüdən dəstək bəyanatı alıram. Sevinirəm ki, biz –
həmrəylik və ədalət ideyalarını bölüşənlər bu çətin vaxtda
birlikdəyik. İstəyirəm ki, ruhani şəxslərdən də bunun kimi
həmrəylik ideyaları eşidəm”, – Samirə Bayramova.