Dünya Səhiyyə Təşkilatı (ÜST) təcili istifadə üçün Çin istehsalı olan "Sinopharm"-a səlahiyyət verib.

Bu barədə Ümumdünya Səhiyyə Təşkilatının rəhbəri Tedros Adano Qebreusus keçirdiyi brifinqdə açıqlama verib.

Koronavirus peyvəndi Pekin Bioloji Məhsullar İnstitutu tərəfindən istehsal olunur və inyeksiya arasındakı fasilə 21-28 gün olmalıdır. Peyvənd + 2, + 8 dərəcədə saxlanılır. Fərqli ölkələrdə edilən üçüncü mərhələ klinik sınaqlarına görə, 18-59 yaş qrupunda "Sinopharm" / "BBIBP"-nin effektivliyi 78,1%-dir.

Gürcüstan, aprelin əvvəlində Çindən COVID-19 peyvəndi olan 100000 doza "Sinopharm" satın alıb. Peyvənddən əvvəl hökumət ÜST-nın müsbət bir hesabat verəcəyini gözləyirdi. Bununla birlikdə, 29 aprel tarixində Səhiyyə Naziri Ekaterine Tikaradze, "COVID-19 peyvəndinin tətbiqi və qaydalarını təsdiqləmək" əmrini dəyişdirib.

Dəyişiklik nəticəsində Gürcüstanda icazə verilən "Pfizer" və "Astrazeneca" peyvəndlərinin sırasına eyni ilə "Sinopharm" peyvəndi olan "Vero Cell" peyvəndi də əlavə edilib.

Gürcüstanda "Sinopharm" peyvəndi üçün vətəndaşların qeydiyyatı 27 aprel tarixində başlayıb. Peyvəndləmə isə mayın 4-dən başlanıb. Son məlumatlara görə, ölkə daxilində 25700-dən çox vətəndaş "Sinopharm" peyvəndi üçün qeydiyyatdan keçib.

Gürcüstan 100000 doza aşı alıb. Dərman 21-28 gündə iki dəfə peyvənd olunduğundan, 50000 vətəndaşın bu dozalarla tam peyvənd edilməsi planlaşdırılır.

Gürcüstanın Səhiyyə Naziri Ekaterine Tikaradzenin sözlərinə görə, ölkəyə 600 min doza eyni peyvəndin gətirilməsi planlaşdırılır.