Sameba Kafedralına qazın verilməsi borca görə dayandırılıb. Bu
barədə məlumatı TV Pirveli yayır.
İoane Mçedlişvili atanın televiziya ilə söhbəti zamanı bildirdiyinə
görə, məbədin 3 il ərzində təxminən 250 min lari borcu yığılıb,
lakin bu müddət ərzində qaz təminatı şirkəti onlara güzəştlər
edib:
“Bir neçə gündür qazımız yoxdur. Borcumuz var idi, ona
görə kəsdilər. Bu məbləğ təxminən üç ildir ki, yığılıb. Şirkətə
minnətdarlıqdan başqa bir şey deyə bilmərik, çünki dəfələrlə bizi
nəzərə alıblar və qazın verilməsini dayandırmayıblar. Monastırın
heç vaxt bu qədər pulu olmayıb ki, ödəsin. Bizə bir neçə dəfə
xəbərdarlıq edildi. Şirkət nə etsin, həmişə yanımızda olublar. Bir
yerdə bunu etmək qərarına gəldilər”, – İoane
Mçedelişvili ata deyib.