თბილისის ყველა აგრარული ბაზარი დაიკეტა
თბილისის მერიის ინფორმაციით, ქალაქში არსებული ყველა აგრარული ბაზარი დაიკეტა. მერიაში აცხადებენ, რომ ბაზრების დახურვის გადაწყვეტილება საკოორდინაციო საბჭოზე მიიღეს.

“ბაზრების დაკეტვა კორონავირუსის საპრევენციო ღონისძიებებს უკავშირდება. საკოორდინაციო საბჭოს რეკომენდაცია იყო, რომ თბილისში არსებული აგრარული ბაზრები დახურულიყო,” – უთხრეს “ნეტგაზეთს” მერიაში.

კორონავირუსის გავრცელების პრევენციის გამო ქვეყნის მასშტაბით ერთმანეთის მიყოლებით იხურება ყველა დიდი აგრობაზარი. 3 აპრილს სამეგრელო-ზემო სვანეთის რეგიონში კორონავირუსთან დაკავშირებით შექმნილი სპეციალური შტაბის გადაწყვეტილებით, სენაკის ბაზარი დაიკეტა. ასევე დაიხურა აგრარული ბაზარი ზუგდიში.

დახურვას გადაურჩა ფოთის ბაზარი, სადაც ყველა მომხმარებელს შესვლამდე სიცხეს უზომავენ, ფულს უხურდავებენ, დეზინფექციას უტარებენ და აუთოვებენ.

FaceBook Twitter Google
მსგავსი სიახლეები
დაიცავი დისტანცია