მარნეულის მუნიციპალიტეტის ახალგაზრდული საბჭოს ინიციატივით ცხადდება ვიდეოკონკურსი „მარნეული - სუფთა გარემოსთვის“, რომელსაც დედამიწის დღესთან დაკავშირებული გარემოსდაცვითი კვირეულის ფარგლებში წარადგენენ. ადგილობრივი თვითმმართველობის მიერ გავრცელებული ინფორმაციით, კონკურსში მონაწილეობა 14-29 წლამდე ასაკის ადამიანებს შეეძლებათ.

“გაქვს იდეა, როგორ დავიცვათ ჩვენი გარემო? გადაიღე კრეატიული ვიდეო, სადაც წარმოაჩენ: გარემოს დაცვის მნიშვნელობას; პრობლემებს და მოგვარების გზებს; პირად მესიჯებს საზოგადოებისთვის; გამარჯვებულს ელის სპეციალური პრიზი” - წერს მუნიციპალიტეტი

მონაწილეობის პირობები:

• თითოეულ მონაწილეს შეუძლია წარმოადგინოს მხოლოდ ერთი ვიდეო;
• ვიდეორგოლების გამოგზავნა შესაძლებელია 21 აპრილის ჩათვლით;
• ვიდეო უნდა იყოს ორიგინალური და არ არღვევდეს საავტორო უფლებებს;
• ხანგრძლივობა არ უნდა აღემატებოდეს 3 წუთს;
• შინაარსი უნდა ეხებოდეს მხოლოდ გარემოს დაცვას;
• ვიდეო არ უნდა შეიცავდეს მხოლოდ ფოტო კოლაჟს;
• ვიდეოსთან ერთად უნდა მიუთითოთ : სახელი, გვარი, ასაკი, საკონტაქტო ტელეფონის ნომერი.

ნამუშევარი უნდა გადააგზავნოთ ელექტრონულ ფოსტაზე: This e-mail address is being protected from spambots. You need JavaScript enabled to view it ; ნებისმიერი კითხვის არსებობის შემთხვევაში კი დარეკეთ: 551 34 34 54