2026 წლის 5, 6 და 7 ივნისს აზერბაიჯანის რესპუბლიკის საელჩოში საქართველოში მოძრავი ASAN სერვისის ფარგლებში აზერბაიჯანის მოქალაქეებისთვის რამდენიმე მომსახურება განხორციელდება.

მომსახურებებს შორისაა პირადობის მოწმობების გაცემა და შეცვლა, მართვის მოწმობების შეცვლა, ასევე ნასამართლეობის შესახებ ცნობების გაცემა.

განაცხადების შეტანა შესაძლებელი იქნება მხოლოდ ელექტრონული რიგის პორტალის (appointment.mfa.gov.az/az) მეშვეობით.

აღნიშნულია, რომ მომსახურების მისაღებად აუცილებელია ყველა საჭირო დოკუმენტის სრულად წარდგენა. ნებისმიერი დოკუმენტის არარსებობის შემთხვევაში მომსახურება არ განხორციელდება.


ასევე ხაზგასმულია, რომ რიგის დასაჯავშნად მოქალაქეებმა უნდა შევიდნენ საიტზე appointment.mfa.gov.az/az, აირჩიონ აზერბაიჯანის რესპუბლიკის საელჩო საქართველოში და შემდეგ მიუთითონ 5, 6 და 7 ივნისის შესაბამისი მომსახურება – პირადობის მოწმობა, მართვის მოწმობა ან ნასამართლეობის ცნობა.

საელჩო მოქალაქეებს ასევე სთხოვს, რომ ისინი გამოცხადდნენ დანიშნულ დროზე 15 წუთით ადრე.

საელჩოს მისამართი: თბილისი, ვახტანგ გორგასალის ქუჩა №4.