სასაფლაოზე ურნების დადგმა წინასაარჩევნოდ სარვანელების სურვილს დაემთხვა
მარნეულში, სარვანის დასახლებაში, სასაფლაოზე ახალი სანაგვე ურნები განათავსეს. ამის შესახებ ინფორმაციას „ქართული ოცნების“ აქტივისტის ადილ ალიევის ფეისბუქ გვერდზე შევხდით, სადაც ის ამავე პარტიის მარნეულის მერობის კანდიდატს ზაურ დარგალს მადლობას უხდის.



როგორც ალიევი ჩვეთან საუბარში ამბობს, მოსახლეობამ ურნების არარსებობის გამო ზაურ დარგალს შესჩივლა

„ზაურ დარგალის მადლობა იმიტომ გადავუხადე, რომ ჩვენ, სარვანის მოსახლეობამ მიმვმართეთ მას, რომ იქნება მერიისთვის ეთხოვა სასაფლაოზე ურნების დადება. რადგან აქ ნაგვის სერიოზული პრობლემაა. მან(დარგალმა) თქვა, რომ ვთხოვ თუ იქნება შესაძლებელი, ურნებს დადებენო. თუ არა და მერი რომ გავხდბი ამ პრობლემას მე მოვაგვარებო. თუმცა მოსახლეობამ უნდა იცოდეს, რომ ურნებს მერია არიგებს და ზაურმა ეს საკუთარი ჯიბიდან არ უყიდია. ჩვენ მერიასაც მივმართეთ და ისინი საჭირო ადგილებზე დებენ ხოლმე ურნას. ამიტომ მადლობელი ვარ ზაუირის. ის ხელისუფლების წარმომადგენელია და მერობის კანდიდატია.“ - თქვა ადილ ალიევმა.

ინფორმაციის დასაზუსტბლად ჩვენ ზაურ დარგალსაც დავუკავშირდით, რომელმაც დაადასტურა, რომ სარვანელებთან შეხვედრაზე ურნების პრობლემას მერიამდე მიიტანდა, თუმცა მისი კომენტარიდან გამომდინარე, მერიისთვის არაფერი უთქვამს.

„ურნებს მერია არიგებს. სადაც საჭიროა იქ დებენ და მე ინფორმაცია არ მაქვს, არაფერი ვიცი“

სარვანელების წინასაარჩევნო სურვილი სანაგვე ურნების სასაფლაოზე დადგმისა, შპს „სუფთა მარნეულის“ მიერ ურნების განაწილებას დაემთხვა. 112 ახალი კონტეინერი, რომელიც მერიამ ტენდერის მეშვეობით შეიძინა, განაწილება კომპანიამ არჩევნებამდე სამი დღით ადრე დაიწყო.


Print