სიახლე
საახალწლოდ მარნეულის მორთვა დაიწყეს
მარნეულში ცენტრალური ქუჩის მორთვა დაიწყო. ქალაქში უკვე შეიმჩნევა წინასაახალწლო განწყობა. რუსთაველის ქუჩაზე ნაწილობრივ დამონატაჟდა განათებები, მერიის მიმდებარე ტერიტორიაზე ნაძვის ხე ააწყვეს, მაღალაშილის ხიდზე კი ილუმინაციის მონტაჟი მიმდინარეობს. მარნეულის მერი, ზაურ დარგალი ვარაუდობს, რომ მაქსმუმ 10 დღეში, მარნეული ახალი წლის შესახვედრად მზად იქნება.

„შაბათიდან დავიწყეთ მასალების მიღება და კვირიდან მონტაჟი მიმდინარეობს. მთლიანად განათდება ხიდი და ძალიან ლამაზი იქნება. ქალაქის განათებაც ორიგინალურია, ლამაზია, ნაძვის ხეც არის აწყობილი. ასევე კულტურის სახის წინ იქნება საახალწლო სოფელი და წელს სხვანაირად და განსხვავებულად განათდება შადრევანი. შარშანდელ დარჩენილ მასალებსაც გამოვიყენებთ სხვადასხვა მიმართულებით“ ,- გვითხრა ზაურ დარგალმა და აღნიშნა, რომ განათებების მოწყობა ბევრ ქუჩაზე უნდოდათ თუმცა, ორმხრივი ბოძების არარსებობის გამო, გარკვეული პრობლემა ექმნებათ.



მარნეულის მორთვაში მერია შარშანდელთან შედარებით თითქმის 10-ჯერ მეტ თანხას ხარჯავს. მაგალითად, თუ გასულ წელს, საახალწლო მორთულობების შეძენა/მოწყობისა და თანმდევი მომსახურების (მონტაჟის) შესყიდვისათვის 25 719 ლარიანი ტენდერი გამოაცხადეს, იგივე ტპის ტენდერი წელს 247 000 ლარად გამოცხადდა.


FaceBook Twitter Google
მსგავსი სიახლეები
COVID-19-სთან ბრძოლაში რიჩარდ ლუგარის ცენტრის მნიშვნელობის ზრდასთან ერთად, კრემლისტური მედია, რომელიც წლებია ლაბორატორიასთან დაკავშირებით სხვადასხვა კონსპირაციას ავითარებს
სრულად
04:00 / 05.08.2020
დაიცავი დისტანცია