ადგილობრივების დიდი ნაწილის პოლიტიკიდან გარიყვას აზერბაიჯანულ ენაზე თარგმნის რესურსის არარსებობა იწვევს - EMC
ადამიანის უფლებების სწავლებისა და მონიტორინგის ცენტრის (EMC) 2019 წლის ადამიანის უფლებათა მდგომარეობის შეფასების მიხედვით, ქართული ენის დომინაციის პოლიტიკას ქვემო ქართლში მცხოვრები აზერბაიჯანული თემის მიმართ მძიმე სოციალური შედეგი მოაქვს.

2019 წლის ადამიანის უფლებათა მდგომარეობის შეფასებაში წერია, რომ არსებითი სახელმწიფო ენის სწავლების პოლიტიკა გაძლიერდა, მაგრამ სახელმწიფო ორგანოები და ადგილობრივი თვითმმართველობები დღემდე არ უზრუნველყოფენ აზერბაიჯანულ ენაზე თარგმნის რესურსს, რაც ადგილობრივების დიდი ნაწილის პოლიტიკიდან გარიყვას იწვევა. EMC-ს შენიშვნები და რეკომენდაციები ჰქონდა მარნეულის მუნიციპალიტეტის თვითმმართველობასთანაც. მარნეულის მერიასა და საკრებულოში საჯარო დოკუმენტები აზერბაიჯანულ ენაზე არ ითარგმნება.

„იმის გათვალისწინებით, რომ სახელმწიფო ენის ცოდნის დონე ეთნიკურად აზერბაიჯანელ თემში საკმაოდ დაბალია მარნეულის მუნიციპალიტეტის მერიის მიერ ინფორმაციის მხოლოდ სახელმწიფო ენაზე გავრცელება წარმოადგენს სახელმწიფოს პოზიტიური ვალდებულებების დარღვევას, რაც მას ნაკისრი აქვს როგორ საერთაშორისო დონეზე, ისე ეროვნული კანონმდებლობით.“ - წერია მარნეულის მუნიციპალიტეტის მიმართ EMC-ს მოწოდებაში

EMC რეგიონში პრობლემატურად მიიჩნევს წინასასკოლო განათლების ინფრასტრუქტურის სიმცირესაც. ორგანიზაცია წერს, რომ განათლების ხარისხი უმცირესობებით კომპაქტურად დასახლებული რეგიონების საჯარო სკოლებში მკვეთრად დაბალი და უთანასწოროა, რაც ამ ჯგუფებს სათანადო განვითარების შესაძლებლობას უსპობს.

რადიო „მარნეული“

Print