მარნეულის მუნიციპალიტეტში საერთი კრებების ჩატარება 28 იანვრიდან იწყება
12:00 / 27.01.2020
პირველი შეხვედა, 28 იანვარს, სოფელ საბირქენდის საჯარო სკოლაში 11:00 საათზე შედგება. ამავე დღეს გაიმართება „სოფლის კრებები“ ალგეთში, თაზაქენდში, კიროვკაში, თაქალოში, ხანჯიგაზლოსა და კირაჩ-მუღანლოში.
2020 წლის „სოფლის მხარდაჭერის პროგრამის“ ფარგლებში ადგილობრივ მოსახლეობასთან შეხვედრები დაახლოებით ორი კვირის განმავლობაში გაგრძელდება. ადგილობრივი თვითმმართველობის პირები მარნეულის 69 საოფელში ჩავლენ და ადგილობრივების საჭიროებებს გამოიკვლევენ.
სოფლის საერთო კრებები საქართველოს რეგიონებში განსახორციელებელი პროექტების ფონდიდან სოფლის მხარდაჭერის პროგრამის ფარგლებში დასაფინანსებელი პროექტების შერჩევის მიზნით ტარდება. როგორც მარნეულის მუნიციპალიტეტში განმარტავენ, სოფლის კრებები გასული წლის მსგავსად, უცვლელ ფორმატში ჩატარდება.
მთელი მარნეულის მასშტაბით, ფონდიდან მილიონ ლარზე მეტია გამოყოფილი, რომელიც შესაბამისად 69 სოფელზე გადანაწილდება. თითოეულ სოფელს, მოსახლეობის რაოდენობის მიხედვით, 10000, 12000 ,16000 და 20000 ლარი შეიძლება ჰქონდეს. სოფლის კრებების ჩატარება მოსახლეობის გარკვეულ პროცენტულ მაჩვენებელზეა დამოკიდებული.
გთავაზობს მარნეულშ სოფლის კრებების გამართვის ადგილსა და დროს, რომელიც მარნეულის მერიის ფეისბუკ გვერდზეა გამოქვეყნებული.
Warning: Invalid argument supplied for foreach() in /var/www/marneulifm.ge/public_html/templates/default/html/com_content/article/default.php on line 166
