მარნეულის „ჯეო ჰოსპიტალიდან“ ლუგარის ლაბორატორიაში გაგზავნილი
სამივე ტესტის პასუხი უარყოფითია.
ამის შესახებ ინფორმცია ამავე სამედიცინო დაწესებულების კლინიკურმა
დირექტორმა ტატა შენგელაიამ დაგვიდასტურა. მისი თქმით, კორონავირუსზე
ჩატარებული 3 ტესტი, რომელიც კლინიკის ერთ თანამშრომელს და ორ
მარნეულელ პაციენტებს აუღეს, გადასამოწმებლად გუშინ, 5 მაისს, ლუგარის
ლაბორატორიაში გააგზავნეს.
ქვემო ქართლში კორონავირუსით ინფიცირების მაჩვენებელი საქართველოში
ინფიცირებულთა რაოდენობის 33%-ია. საქართველოს მასშტაბით
კორონავირუსით ინფიცირებულთა რაოდენობა 604-ია, აქედან 198 შემთხვევა
ქვემო ქართლში ფიქსირდება. დაინფიცირების ყველაზე დიდი მაჩვენებელი,
ქვემო ქართლში, ბოლნისში ფიქსირდება, 117 შემთხვევა, შემდეგ
თეთრიწყაროში, 48 შემთხვევა და მარნეულში, 33 შემთხვევა.