დღეს, 28 სექტემბერს , სადახლოს ცენტრში პარტია „ევროპული საქართველოს“ წარმომადგენლებს მათი სააგიტაციო ბანერი ჩამოხსნილი დახვდათ, ხოლო ბოძი, რაზეც პლაკატი დამაგრებული იყო, მოჭრილი. „ევროპული საქართველოს“ მარნეულისა და გარდაბნის მაჟორიდატარი კანდიდატი ახმედ იმამყულიევი ამბობს, რომ მათი ბანერი მიზანმიმართულად ჩამოხსნეს.

„ამ ბოძზე, აკრავდნენ ბანერებს, როდესაც ჩვენი რელიგიური დღესასწაულები იყო ხოლმე. რადგან ახლა რამე დღესასწაული არ იყო და ბოძიც თავისუფალი იყო, ჩვენ გავაკარით. ეს ბოძი არავისი არ არის და რაც მთავარია, სახელმწიფო მიწაზე დგას უკვე რამდენი წელია. ვიფიქრეთ, ჩვენც აქ გაგვეკრა სააგიტაციო მასალა. დღეს ეს ბოძი მოჭრილი დაგვხვდა და ჩვენი სააგიტაციო ბანერი გვერდზე გადადგმული. ეს მიწა არის სახელმწიფოსი და არ არის კერძო საკუთრებაში. ეს ბოძი ელექტრობოძივით იდგა აქ და ვიცით, რომ ჩვენ მერიის ბალანსზე არსებულ ელექტრობოძებზე გვაქვს უფლება გავაკრათ მასალა, ზუსტად ასე ვიფიქრეთ და გავაკარით სააგიტაციო მასალა"

თუ ვინ ჩამოხსნა სააგიტაციო ბანერი, ამასთან დაკავშირებით ახმედ იმამყულიევს კონკრეტულ ადამიანებზე ეჭვი არ აქვს, თუმცა ამბობს, რომ მათ სააგიტაციო მასალებს „ქართული ოცნება“ ერჩის.

"სამწუხაროა, რომ „ქართული ოცნება“ დღეს ებრძვის ჩვენს სააგიტაციო მასალას, ჩვენს ფოტოებს. უეჭველი (აუცილებლად) „ქართული ოცნების“ წარმომადგენლების გაკეთებულია ეს ყველაფერი. იმიტომ ,რომ როდესაც ჩვენი ბიჭები აქ ამ ბანერს აკრავდნენ, ქართული ოცნების წარმომადგენლები მოვიდნენ და ეუბნებოდნენ არ მოგცემთ საშუალებას რომ ეს ბანერი აქ იყოსო, სამწუხაროდ, მაშინ ვიდეო ვერ გადავიღეთ. ჩვენ გვაქვს მასალა მერიამ ერთ-ერთ პიროვნებას, სავარაუდოდ, ვინც გააკეთებინა თავის დროზე 3-4 წლის წინ ეს ბოძი, მას მისწერა ზდამხედველობის სამსახურმა წერილი, რომ მას ეს ბოძი უნდა მოეხსნა , მაგრამ ამ პიროვნებამ თქვა, რომ ეს ოთხი წლის წინ იყო გაკეთებული და მაშინ როცა გავაკეთეთ და გადავეცით ხალხს, მაშინ რატომ არ გვეუბნებოდნენ მის აღებასო. ქართული ოცნება მალე დასრულდება და ხალხი გაიმარჯვებს"

ახმედ იმამუყულიევის თქმით,  მერიის ზედამხედველობის სამსახურმა ბანერის განთავსებასთან დაკავშირებით ერთდღიანი ვადა მისცა, მმიზეზად კი როგორც თავად ამბობს უკანონო მშენებლობა დაუსახელეს, თუმცა ის ამ ყველაფრის გასაჩივრებას გეგმავს. 

რადიო „მარნეული“ ადგილობრივ თვითმმართველობაში ამდრომდე არკვევს საკითხთან დაკავშირებულ დეტალებს.