მარნეულის საკრებულოს თავმჯდომარის პირველი მოადგილე ტარიელ მამედოვი გახდა
დღეს, 3 დეკემბერს მარნეულის ახლადარჩეული საკრებულოს პირველი სხდომა ჩატარდა. საკრებულოს თავმდჯომარედ ამირან გიორგაძის არჩევის შემდეგ მან პირველი მოადგილეობის კანდიდატად მხოლოდ ტარიელ მამედოვი დაასახელა.

ტარიელ მამედოვის კანდიდატურას მხარი 28 საკრებულოს წევრმა დაუჭირა, 6 წინააღმდეგი იყო, ხოლო ერთი ბიულეტენი ბათილად იქნა ცნობილი. 

ტარიელ მამედოვი მარნეულის 2021-25 წლების მოწვევის საკრებულოში "ქართული ოცნებიდან" შევიდა. ის მარნეულის მაჟორიტარული ოლქის კანდიდატი იყო. მამედოვი წინა მოწვევის საკრბეულოს წევრიც იყო. 

აღსანიშნავია, რომ მარნეულის საკრებულოში სულ 33 წევრია, მათგან 6 "ერთიანი ნაციონალური მოძრაობის" წარმომადგენელი. როგორც "ენმ"-ს წევრმა ლაშა ქველაძემ საკრებულოს სხდომაზე განაცხადა, "ენმ" წარმოდგენილ არც ერთ კანდიდატს მხარს არ დაუჭერს, რადგან პირველი სხდომაც და თავმჯდომარისა და მოადგილეების არჩევაც მხოლოდ და მხოლოდ ფორმალურ ხასიათს ატარებს. 

Print ელ. ფოსტა
FaceBook Twitter Google
მსგავსი სიახლეები
დაიცავი დისტანცია