საშეღავათო პოლიტიკის ეფექტურობისა და შედეგების კვლევა საქართველოს უმაღლესი განათლების სისტემაში 2010-2019 წლების მიხედვით 1+4 პროგრამის პირველი კურსდამთავრებულები 2015 წელს გაჩნდნენ. სტატისტიკის მიხედვით 1+4 პროგრამის ფარგლებში 2015 -2019 წლებში ბაკალავრიატდამთავრებულთა რაოდენობამ 30% შეადგინა.​ აიჰან ჰასანლი, ილფან სარიევი და სამაია გუმბათოვა სწორედ აღნიშნული 30% ნაწილია ვინც 1+4 პროგრამის ფარგლებში, წელს უნივერსიტეტი დაამთავრა.

აიჰან ჰასანლიმ ივანე ჯავახიშვილის თბილისის სახელმწიფო უნივერსიტეტი წელს დაამთავრა. იგი სამართლის ფაკულტეტზე სწავლობდა და სამომავლოდ კვალიფიკაციის ასამაღლებლად ბევრი გეგმა აქვს.  აიჰანი გვიყვება, რომ ეთნიკური უმცირესობების წარმომადგენლებს, საჯარო სამსახურებში დასაქმების კუთხით პრობლემები აქვთ, თუმცა ერთხელ მაინც საჯარო სტრუქტურაში სამსახურის ნახვას მაინც შეეცდება. 

,,ვაპირებ მაგისტრატურაზე სწავლის გაგრძელებას, ჯერ გადაწყვეტილი არ მაქვს, ამ წელს, თუ მომავალში, მაგრამ აუცილებლად გავაგრძელებ უმაღლესი განათლების მიღებას მაგისტრანტის საფეხურზე. ამავდროულად  ვაპირებ საკვალიფიკაციო გამოცდის ჩაბარებას სამართლის მიმართულებით. პარალელურად, უფლებადამცველობას ანუ ადვოკატობას.  საჯარო სამსახურებში, ეთნიკური უმცირესობებისთვის დასაქმება არის პრობლემური. გინდა თუ არა, ისედაც ვერ ვსაქმდები. თუმცა შევეცდები,  რომ საჯარო სექტორში დავსაქმდე და ვაპირებ ერთხელ მივმართო. ახლა ჯერ  გავდივარ სტაჟირებას სამართლის მიმართულებით, ასევე ვარ სამოქალაქო აქტივისტი და გავაგრძელებ ჩემს აქტიურობას სამოქალაქო სექტორში".- ამბობს აიჰანი

კიდევ ერთი ახალგაზრდა, რომელმაც უნივერსიტეტი დაამთავრა, ილფან სარიევია. იგი კახეთში, იორმუღანლოში ცხოვრობს. კურსდამთავრებული  სამომავლოდ საკუთარი სანოტარო ბიუროს გახსნას აპირებს, რადგან აიჰანი ჰასანლის მსგავსად ფიქრობს, რომ დასაქმება სახელმწიფო სექტორში გაუჭირდება.

,,თბილისის ივანე ჯავახიშვილის სახელობის უნივერსიტეტში 2017 წელს ჩავაბარე. პირველ წელს მოსამზადებელ კურსზე ვისწავლე და მაგის შემდეგ დავიწყე იურიდიულ ფაკულტეტზე. მომავალში ვაპირებ, რომ გავხსნა ჩემი სანოტარო ბიურო და როგორც ნოტარიუსმა გავაგრძელო საქმიანობა. ასევე ვაპირებ მაგისტრატურაზე სწავლის გაგრძელებას ჩემი პროფესიით კუთხით. საჯარო სექტორში დასაქმება ჩემთვის მისაღები იქნება თუკი ამის შანსი მექნება, თუმცა იქ დასაქმება საკმაოდ რთულია".- ამბობს ილფან სარიევი
მარნეულელმა სამაია გუმბათოვამ, ილიას სახელმწიფო უნივერსიტეტის უცხო ენების, კერძოთ კი ინგლისური ენის ფაკულტეტი დაამთავდა და მომავალში კარიერის გაგრძელებას, სკოლაში მასწავლებლად აპირებს.

,, ვარ ინგლისური ენის სპეციალისტი. ამ ეტაპზე ვმუშაობ ერთ- ერთ კერძო კომპანიაში, თუმცა სამომავლოდ მინდა ჩემი საქმიანობა გავაგრძელო, როგორც ინგლისური ენის მასწავლებელმა. ამისთვის ვაპირებ შესაბამისი გამოცდა ჩავაბარო, წელს ვერა მაგრამ მომავალში. ძალიან მინდა ჩემი პროფესიით გავაგრძელო მუშაობა რომელიმე სკოლაში".- თქვა სამაიამ

საშეღავათო პოლიტიკის ეფექტურობისა და შედეგების კვლევა საქართველოს უმაღლესი განათლების სისტემაში 2010-2019 წლების მიხედვით ეთნიკური უცმირესობების უმაღლესი განათლების მიღების მოთხოვნა იზრდება. თუ 2010 წელს თბილისის სახელმწიფო უნივერსიტეტში სულ 177 სტუდენტი სწავლობდა, 2019 წელს ეს რიცხვი 455 გაიზარდა. ამავე კვლევის თანახმად, აზერბაიჯანულენოვანი სტუდენტების დიდი ნაწილი საკუთარ მომავალს საქართველოს უკავშირებენ და ამისთვის საქართველოში აკრედიტირებული უმაღლესი სასწავლებლის დიპლომის საჭიროებაზე საუბრობენ.

სოციალური სამართლიანობის ცენტრის დასკვნის თანახმად, საქართველოში ყოველ წლიურად ათასობით ეთნიკური უმცირესობების წარმომადგენელი ამთავრებს უმაღლეს სასწავლებლებს, ბევრი მათგანი კვალიფიკაციის ამაღლების მიზნით სწავლასაც აგრძელებს. საჯარო ცხოვრებაში და პოლიტიკაში ეთნიკური უმცირესობებისთვის მონაწილეობა კვლავ მნიშვნელოვანი გამოწვევაა, ამიტომ მათი უმეტესობა კერძო სექტორშია დასაქმებული. ,,სოციალური სამართლიანობის ცენტრის" კვლევის მიხედვით, 2021 წლის ზაფხულში ადგილობრივი თვითმმართველობის ორგანოებიდან გამოთხოვილი ინფორაცია საჯარო სამსახურში ეთნიკური უმცირესობების დასაქმების პრობლემას მწვავედ ავლენს. კერძოდ მარნეულის მუნიციპალიტეტის მერიაში დასაქმებულთა ჯამური რაოდენობა 232 შეადგენს. აქედან ეთნიკური უმცირესობის წარმომადგენელი არის 84, მათი დიდი ნაწილი ადმინისტრაციული ერთეულის წარმომადგენელზე და სპეციალისტზე მოდის.


რადიო ,,მარნეული"