სოფლის კრებაზე იმირში გარე განათებას, იმირჭალაში კი გზის მოხრეშვას დაუჭირეს მხარი
8 თებერვალს, მარნეულის მუნიციპალიტეტის სოფელ იმირსა და იმირჭალაში
„სოფლის კრება“ გაიმართა.
შეხვედრისათვის იმირის შემთხვევაში 200 ხელმოწერა იყო საჭირო, ხოლო
იმირჭალაში 20%. როგორც მერიის წარმომადგენლებმა რადიო „მარნეულს“
განუცხადეს, სხდომა ლეგიტიმურად ითვლება ხელმომწერთა მესამედითაც და
ორივე სოფელში საკმარისი რაოდენობა შეგროვეს. იმირისათვის 20 000
ლარია გამოყოფილი, იმირჭალასათვის - 12 000.
ადგილობრივება იმირში გარე განათებას დაუჭირეს მხარი, ხოლო იმირჭალაში
გზების მოხრეშვას.
მოსახლეობასთან შეხვედრები 1-დან 15 თებერვლის ჩათვლით გაიმართება.
სოფლის მხარდაჭერის პროგრამისთვის 2023 წელს საქართველოს რეგიონებში
განსახორციელებელი პროექტების ფონდიდან 1 232 000 ლარი გამოიყო. თანხა
სოფლებზე მოსახლეობის რაოდენობის მიხედვით გადანაწილდა. თითო სოფელზე
მინიმალური თანხა 12 000, ხოლო მაქსიმალური 20 000 ლარს შეადგენს.