მარნეულის მუნიციპალიტეტის ადგილობრივმა თვითმმართველობამ „მარნეულობა 2023“ ღონისძიებაზე სტუმრების გამასპინძლებისათვის ინდივიდუალურ მეწარმე ვლადიმერ ქიმაძესთან ხელშეკრულება გამარტივებული წესით გააფორმა.

„მოგახსენებთ, რომ მიმდინარე წლის 17 სექტემბერს, მარნეულის მუნიციპალიტეტში იმართება ღონისძიება „მარნეულობა“ . ამ დღესთან დაკავშირებით მოწვეულნი იქნებიან სტუმრები სხვადასხვა მუნიციპალიტეტიდან და სახელმწიფო სტრუქტურებიდან . მათი გამასპინძლების მიზნით, გვესაჭიროება წარმომადგენლობითი ხარჯების შესყიდვასთან დაკავშირებული კანონით გათვალისწინებილი ღონისძიებების გატარება“. - აღნიშნულია გამარტივებული შესყიდვის მოხსენებით ბარათში

მარნეულის მერიამ „მარნეულობა 2023“-ზე სტუმრების გამასპინძლებისათვის ვლადიმერ ქიმაძეს 16 588 ლარი გადაუხადა.

აღსანიშნავია, რომ მარნეულის მერიამ „მარნეულობა 2023“ აღსანიშნავად 128 900 ლარი გადაუხადა შპს "სთორი +"-ს. ამ თანხაში შედიოდა ღონისძიებისთვის თემების კუთხეებისათვის შესასყიდი საკვები პროდუქტებიც.

„მარნეულობა 2023“-ზე მოწვეული იყვნენ ნინო ჩხეიძე და ღამის შოუს ბენდი.

რადიო „მარნეული“