მარნეულის მუნიციპალიტეტის ადგილობრივმა თვითმმართველობამ, გამარტივებული წესით, ელემენტები შეისყიდა. მარნეულის მერს, კენან ომაროვს, ელემენტების შესყიდვის თხოვნით მერიის მატერიალურ-ტექნიკური უზრუნველყოფის განყოფილების ხელმძღვანელის მოვალეობის შემსრულებელმა მელანო ჟორჟოლიანმა მიმართა.

„მოგახსენებთ, რომ მარნეულის მუნიციპალიტეტის მერიის მერიაში გვესაჭიროება ელემენტები.
გთხოვთ, დაავალოთ შესაბამის სამსახურს უზრუნველყოს შესყიდვებთან დაკავშირებული კანონმდებლობით გათვალისწინებული ღონისძიების გატარება“. - აღნიშნულია გამარტივებული შესყიდვის მოხსენებით ბარათში

მარნეულის მერიამ გამარივებული წესით ხელშეკრულება ინდმეწარმე ელგუნ ხუდაევთან გააფორმა. ხელშეკრულების მიხედვით, ხუდაევმა მერიას 8 მაისამდე პერიოდში უნდა მიაწოდოს 400 ცალი ელემენტი.

მარნეულის მერიამ 400 ელემენტში 600 ლარი გადაიხადა.

რადიო „მარნეული“