„ერთიანი ნაციონალური მოძრაობის“ წევრი და საკრებულოს სიის მეორე ნომერი, ლაშა ქველაძე, მიხეილ სააკაშილის საქართველოში სავარაუდო ჩამოსვლის ფაქტს ეხმაურება და ამბობს, რომ საქართველოს მესამე პრეზიდენტი საქართველოშია და ისინი 3 ოქტომბერს, აქციისთვის ემზადებიან.
„ბატონი მიხეილ სააკაშვილი უკვე იმყოფება საქართველოში, ჩვენ ვემზადებით 3 ოქტომბრისთვის. თბილისში შევხვდებით ბატონ მიხეილ სააკაშვილს საქართველოს მოსახლეობასთან ერთად ფართომასშტაბიან აქციაზე. საქართველოში ჩამოვიდა იმიტომ, რომ ხელისუფლება უნდა შეიცვალოს და დასრულდეს პოლიტიკურ-ეკონომიკური კრიზისი“

მიხეილ სააკაშვილმა დღეს, 1 ოქტომბრს, საკუთარ ფეისბუქ გვერდზე დაწერა, რომ საქართველოშია.

„დილა მშვიდობის საქართველო. უკვე საქართველოდან 8 წლის შემდეგ,“ – წერია მის ფეისბუკ პოსტსში.

მოგვიანებით კი ვიდეო გაავრცელა, სადაც ამბობს, რომ ბათუმშია. შინაგან საქმეთა სამინისტრო აცხადებს, რომ საქართველოს ყოფილ პრეზიდენტს, მიხეილ სააკაშვილს საქართველოს საზღვარი არ გადმოუკვეთავს.