საქართველოს მეზობელ ქვეყნებს შორის პური ყველაზე იაფი აზერბაიჯანშია. ამის შესახებ Numbeo-ს განახლებული რეიტინგიდან ირკვევა, რომელიც 500-გრამიანი თეთრი პურის ფასს 103 ქვეყანაში ადარებს.

კერძოდ, Numbeo-ს დათვლებით, აზერბაიჯანში პური 46 ცენტი ღირს და ამ მონაცემების მიხედვით,103 ქვეყანას შორის 99-ე ადგილს იკავებს.

მეზობელ ქვეყნებში მოწინავე პოზიციას, 74-ე ადგილს იკავებს თურქეთი, სადაც პური ყველაზე ძვირია. პროდუქტის საფასური თურქეთში 97 ცენტს შეადგენს.

პურის სიიაფით აზერბაიჯანს საქართველო მოსდევს. საქართველო მოცემულ რეიტინგში 89-ე ადგილზეა და Numbeo-ს დათვლებით, პური ქვეყანაში 59 ცენტი ღირს.

პროდუქტს იდენტური ფასი აქვს რუსეთსა და სომხეთში, სადაც 500-გრამიანი თეთრი პურის საფასური 73 ცენტია. რეიტინგში სომხეთი მე-80, რუსეთი კი 81-ე ადგილზეა.

5 ქვეყანა მსოფლიოში, სადაც პური ყველაზე ძვირია, ასე გამოიყურება:

• შვეიცარია - 3.76 დოლარი;
• ამერიკის შეერთებული შტატები - 3.66 დოლარი;
• დანია - 3.56 დოლარი;
• ნორვეგია - 3.46 დოლარი;
• ლუქსემბურგი - 3.21 დოლარი;

5 ქვეყანა კი, სადაც Numbeo-ს მიხედვით, პური ყველაზე იაფია, ასეთია:

• ალჟირი - 17 ცენტი;
• ტუნისი - 21 ცენტი;
• ლიბია - 28 ცენტი;
• ყაზახეთი - 45 ცენტი;
• აზერბაიჯანი - 46 თეთრი;