მაშინ, როდესაც ზოგიერთი ტურისტული მიმართულება ზედმეტი ტურიზმისგან იტანჯება, სხვებს, პირიქით, მეტი მოგზაურის მასპინძლობა სურთ.

ტურისტულმა ოპერატორმა Intrepid Travel-მა 2027 წლის რეიტინგი წარადგინა, სადაც მსოფლიოს 10 ნაკლებად ცნობილი მიმართულებაა გაერთიანებული, რომლებიც მზად არიან გაისად უფრო მეტ მოგზაურს უმასპინძლონ - წერს unian.net-ი.

„ეს პროექტი მხოლოდ ნაკლებად ცნობილი ადგილების ჩამონათვალი არ არის. მისი მიზანია შეცვალოს მიდგომა მიმართულებების არჩევასა და

მოგზაურობის ფორმატთან დაკავშირებით - შთააგონოს ადამიანები, აღმოაჩინონ მსოფლიოს ისეთი კუთხეები, სადაც ტურიზმს რეალური სარგებელი მოაქვს ადგილობრივი თემებისთვის, ეკონომიკისა და კულტურისთვის“, - აღნიშნავენ რეიტინგის ავტორები.

აღსანიშნავია, რომ საუკეთესო ათეულის შერჩევა სამ ძირითად კრიტერიუმზე დაყრდნობით განხორციელდა. პროცესში გათვალისწინებული იყო როგორც Intrepid-ის ადგილობრივი გიდებისა და ექსპერტების გლობალური ქსელის გამოცდილება, ისე ტრენდების პროგნოზირებაზე სპეციალიზებული სააგენტოს, Globetrender-ის მიერ ჩატარებული დამოუკიდებელი კვლევის მონაცემები:

• დაბალი პოპულარობა მეზობელ ან ანალოგიურ მიმართულებებთან შედარებით;
• ტურისტების მიღებისთვის მზადყოფნა - როგორც ინფრასტრუქტურის, ისე ადგილობრივი მოსახლეობის მხრიდან;
• სიახლე 2027 წელს - ახალი ინიციატივების გაშვება, სატრანსპორტო ხელმისაწვდომობის გაუმჯობესება, მასშტაბური ღონისძიებების ჩატარება, ახალი ობიექტების გახსნა ან ინფრასტრუქტურის განვითარება.

10 ნაკლებად ცნობილი ტურისტული მიმართულება მსოფლიოში, რომელსაც 2027 წელს უნდა ესტუმროთ:

• სამბურუს ეროვნული ნაკრძალი, კენია
• დაბა მესტია, საქართველო
• ჩრდილოეთ მთიანეთი, იორდანია
• ქალაქი უაითჰორსი, კანადა
• კუნძული ალონოსოსი, საბერძნეთი
• ქალაქი დილი, აღმოსავლეთი ტიმორი
• პეკოეს ბილიკი, შრი-ლანკა
• ქალაქი ლიეპაია, ლატვია
• ავტომაგისტრალი კარეტერა ავსტრალი, ჩილე
• დალსლანდის პროვინცია, შვედეთი