ოპერატიული ინფორმაციის საფუძველზე, გასულ წელს საქართველოში უცხო ქვეყნის 139 მოქალაქე არ შემოუშვეს
23:25 / 22.04.2019
„სახელმწიფო უსაფრთხოების სამსახურის მიერ გამოვლენილია 1200 პირი, რომლებიც ფიქციური დოკუმენტაციის გამოყენებით ცდილობდნენ საქართველოში ლეგალური ცხოვრების უფლების მოპოვებას. აღნიშნული პირების ქვეყნიდან გაძევების, ასევე ადმინისტრაციული ან სისხლის სამართლის პასუხისგებაში მიცემის მიზნით უსაფრთხოების სამსახური აქტიურად და კოორდინირებულად მოქმედებდა იუსტიციის და შინაგან საქმეთა სამინისტროებთან ერთად“,- განაცხადა გრიგოლ ლილუაშვილმა.
სუს-ის ანგარიშის თანახმად, ქვეყანაში ოპერატიული ინფორმაციის საფუძველზე უცხო ქვეყნის 139 მოქალაქე არ იქნა შემოშვებული. სახელმწიფო უსაფრთხოების სამსახურის უფროსის პირველი მოადგილის გრიგოლ ლილუაშვილის განმარტებით, 2018 წელს სახელმწიფო უსაფრთხოების სამსახურის კონტრდაზვერვის დეპარტამენტში გამოძიება სისხლის სამართლის 21 საქმეზე დაიწყო, სისხლის სამართლის პასუხისგებაში კი 48 პირია მიცემული.
სახელმწიფო უსაფრთხოების სამსახურის ანგარიში 27-გვერდიანია და მასში სუს-ის 2018 წლის საქმიანობა არის ასახული.
წყარო: ინტერპრესნიუსი
