თბილისში, ქვემო ალექსეევკის დასახლებაში ხანძარია.
როგორც საქართველოს პირველ არხს საგანგებო სიტუაციების მართვის
სამსახურში განუცხადეს, იწვის სასაწყობე ფართი. მათივე ინფორმაციით,
ამ დროისათვის ხანძარი ლოკალიზებულია. მიმდინარეობს ხანძრის
სალიკვიდაციო სამუშაოები.
ადგილზე ცხრა სახანძრო-სამაშველო ჯგუფია მობილიზებული.
საგანგებო სიტუაციების მართვის სამსახურის ცნობით, შემთხვევის შედეგად
არავინ დაშავებულა.