მას შემდეგ, რაც ქვეყანაში დროებითი საგანგებო მდგომარეობა ამოქმედდა
და ქვეყანაში მოქალაქეების ავტოსატრანსპორტო საშუალებებით
გადაადგილება შეიზღუდა,
ნავთობპროდუქტების მოხმარება მნიშვნელოვნად შემცირდა.
როგორც bm.ge-ს „სოკარის“ გენერალურმა დირექტორმა, ლევან გიორგაძემ
განუცხადა, საწვავის მოხმარება მათ ქსელში დაახლოებით 40%-ით
შემცირდა.
„საგანგაშო მდგომარეობაა. საწვავის მომხმარებელთა რაოდენობა
ყოვედღიურად იკლებს, რადგან ზოგადად ხალხი აღარ
გადაადგილდება“-აცხადებს გიორგაძე.
რაც შეეხება საცალო ქსელში საწვავის ფასებს, მისი თქმით, ბოლო
პერიოდში ნავთობპროდუქტებზე ფასმა ფასდაკლების გათვალისწინებით 40-50
თეთრით დაიკლო, თუმცა რა იქნება სამომავლოდ, ამის პროგნოზირება
შეუძლებელია.
გიორგაძის განმარტებით, მსოფლიო ბაზარზე ნავთობპროდუქტებზე ფასებმა
30$-ს გადააჭარბა. ასევე მოლოდინია, რომ OPIC-ი ნავთობის მოპოვების
შემცირების შესახებ მიიღებს გადაწყვეტილებას, რაც სამომავლოდ რა თქმა
უნდა საქართველოში საცალო ქსელებში არსებულ საწვავის ფასზეც
აისახება.
წყარო: bm.ge