საქართველოს პირველი არხი არაქართულენოვანი სკოლებისთვის ქართული ენის ონლაინოლიმპიადას იწყებს
12:55 / 10.04.2020
საქართველოს პირველი არხი ახალ
პროექტს იწყებს. პროექტი – „ჩვენი ქართული ენა“ ქართული ენის
პოპულარიზაციას ისახავს მიზნად.პროექტის ფარგლებში არაერთი
აქტივობაა დაგეგმილი. პროექტის ერთ-ერთი ნაწილია საქართველოს
რეგიონებში არაქართულენოვანი სკოლებისთვის ქართული ენის
ონლაინოლიმპიადა.
წელს პროექტი საქართველოში ამერიკის შეერთებული შტატების საელჩოს
მხარდაჭერით ხორციელდება.
ონლაინოლიმპიადაში მონაწილეობა შეუძლიათ არაქართულენოვანი სკოლების
მეშვიდე კლასის მოსწავლეებს. პროექტის თითოეულ მონაწილეს გადაეცემა
მონაწილეობის დამადასტურებელი სერთიფიკატი, ხოლო სამი გამარჯვებული
დაჯილდოვდება პრიზებით. დაჯილდოვდებიან გამარჯვებული მოსწავლეების
ქართული ენისა და ლიტერატურის მასწავლებლებიც.
პროექტის ფეისბუქგვერდზე პერიოდულად ვიქტორინები
გაიმართება, კითხვაზე სწორად გაცემული პასუხის შემთხვევაში,
არაქართულენოვანი სკოლის მოსწავლეები წამახალისებელ საჩუქრებს
მიღებენ.