მარნეულის სასწრაფოს მენეჯერს კორონავირუსი დაუდასტურდა
მარნეულის „ჯეო ჰოსპიტალსის“ კლინიკაში დღეს, პირველ მაისს,
კორონავირუსზე ჩატარებული 9 მარნეულელის ტესტის პასუხი მოვიდა.
რადიო „მარნეულთან“ საუბრისას მარნეულის მერმა ზაურ დარგალმა
განაცხადა, რომ 9 ტესტის პასუხიდან მხოლოდ ერთია დადებითი.
„კორონავირუსი დაუდასტურდა მარნეულის სასწრაფოს მენეჯერს.
დღეს ახლა აღებული იქნება ანალიზი როგორც სასწრაფოს თანამშრომლის,
ასევე სოფლის ექიმების და ეფექტურად ვმუშაობთ სხვა კონტაქტებთან
დაკავშირებით“ - განაცხადა ზაურ დარგალმა
მარნეულის მერისათვის ჯერ-ჯერობით უცნობია მარნეულელია თუ არა
ინფიცირებული სასწრაფოს მენეჯერი.
საქართველოში, ბოლო 24 საათში, კორონავირუსის დადასტურებული
შემთხვევები 27-ით გაიზარდა.
სულ ქვეყანაში მთავრობის ოფიციალური გვერდის, stopcov.ge-ს თანახმად,
566 დადასტურებული შემთხვევაა. აქედან, გამოჯანმრთელდა 184, ხოლო
გარდაიცვალა 6.
რაც შეეხება სხვა მონაცემებს, კარანტინის რეჟიმში იმყოფება 5243
ადამიანი, ხოლო სტაციონარში მეთვალყურეობის ქვეშ – 550.