Daxili İşlər Nazirliyinin Xidmət Agentliyi köhnə dövlət nömrə
nişanlarının dəyişdirilməsi müddətini qanun dəyişikliyi əsasında 31
mart 2021-ci ilə qədər uzadıb.
Bu barədə "Interpressnews"-a Daxili İşlər Nazirliyinin Xidmət
Agentliyindən məlumat verilib.
Agentlikdən verilən məlumata görə, köhnə dövlət nömrə nişanlarını
dəyişdirmək istəyən vətəndaşların sayının artması və yeni
koronavirusun yayılmasının qarşısının alınması məqsədilə
qanunvericilikdə dəyişiklik edilib.
“Gürcüstan Daxili İşlər Nazirliyinin Xidmət Agentliyi tərəfindən
göstərilən xidmət haqqı və şərtləri haqqında Gürcüstan Qanununda
bütün növ mexaniki nəqliyyat vasitələrinin köhnə dövlət nömrə
nişanlarının etibarlılıq müddətinin 2021-ci il martın 31-dək
uzadılması üçün dəyişiklik edilib. Hər növ mexaniki nəqliyyat
vasitələrinin sahibləri 31 mart 2021-ci ilə qədər köhnə nömrə
nişanını yeni nömrə nişanı ilə əvəz edə bilərlər. Daxili İşlər
Nazirliyinin Xidmət Agentliyi öz xidmətlərinin həyata
keçirilməsində Gürcüstan hökumətinin Qururmlararası Koordinasiya
Şurasının tövsiyələrini tam nəzərə alır. Agentlik vətəndaşları
yerində xidmət almaq üçün maska ilə gəlməyə çağırır",
– deyə məlumatda bildirilir.