10 avqust tarixinə olan məlumatlara görə, Azərbaycanda son 24 saat
ərzində koronavirusa 89 nəfər yoluxub. Virusdan 278 xəstə sağalaraq
evə buraxılıb, daha 2 nəfər isə dünyasını dəyişib.
Bu barədə məlumat Azərbaycan respublikasının Nazirlər Kabineti
yanında Operativ Qərargah tərəfindən yaradılan koronavirusinfo.az
saytında yayımlanıb. Saytda yayımlanmış məlumata görə, bununla da
bu günə qədər Azərbaycanda Covid-19-a ümumilikdə 33647 yoluxma halı
təsdiqlənib ki, onlardan da 30642 nəfər sağalıb, 492 nəfər isə
vəfat edib.
Məlumatda o da qeyd olunub ki, indiki mərhələdə xüsusi rejimli
xəstəxanalarda 2513 nəfər müalicə olunur. Bu gün yeni yoluxma
hallarının müəyyənləşdirilməsi ilə əlaqədar 5015 test aparılıb.
Koronavirusa yoluxma faktı təsdiqlənmiş pasiyentlər xüsusi rejimli
xəstəxanalara yerləşdirilir və onların davamlı müşahidəsi təmin
edilir.
Ötən müddət ərzində yeni yoluxma hallarının müəyyənləşdirilməsi ilə
əlaqədar 790 141 test aparılıb.