მე-15 მიკრორაიონში ადგილობრივებმა რამდენიმე გასროლის ხმა გაიგეს.
როგორც საინფორმაციო სააგენტო "ინფო რუსთავს" თვითმხილველებმა
განუცხადეს, მე-4 სკოლის ტერიოტრიაზე 40-მდე არასრულწლოვანი ერთმანეთს
ფიზიკურად დაუპირისპირდა.
მათი თქმით, სწორედ დაპირისპირების დროს გაიგეს იარაღიდან რამდენჯერმე
გასროლის ხმა.
ადგილზე მობილიზებული იყო სასწრაფო-სამედიცინო დახმარებისა და
კრიმინალური პოლიციის რამდენიმე ეკიპაჟი.
"ინფო რუსთავის" ინფორმაციით, სამედიცინო დახმარების გაწევა საჭირო
არავისთვის არ გამხდარა.
კრიმინალურმა პოლიციამ რამდენიმე პირი გამოკითხვაზე გადაიყვანა.