მთავრობის ადმინისტრაციის ხელმძღვანელის, ნათია მეზვრიშვილის თქმით, გამორიცხული არაა, რომ ტაქსებში სამზე მეტი პირის ყოფნაზე დაწესებული შეზღუდვა გაუქმდეს. ამის შესახებ მან “პალიტრანიუსის” ეთერში ისაუბრა.

“ჩვენ რეალურად მსხვილი შეზღუდვების მოხსნის შემდეგ დარჩენილი შეზღუდვების გადახედვას საბჭოს ყოველ სხდომაზე ვახდენთ. არ გამოვრიცხავ, რომ ეს საკითხი გადაიხედოს და გამორიხული არაფერია, მას შემდეგ, რაც ვნახავთ, რომ ცუდ ქცევას და არაკეთილსინდისიერ ქცევას არ აქვს ადგილი მძღოლების მხრიდან”, — განაცხადა მეზვრიშვილმა.

კორონავირუსის პრევენციის მიზნით ქვეყანაში დაწესებული შეზღუდვების გამო ამ დრომდე აკრძალულია ტაქსით სამზე მეტი ადამიანის გადაადგილება.