წითელი ჯვრის საერთაშორისო კომიტეტი: ბარდის დაბომბვას ჩვენი ერთ-ერთი მოხალისე ემსხვერპლა
წითელი ჯვრის საერთაშორისო კომიტეტის (ICRC) ევრაზიის საკითხების რეგიონულმა დირექტორმა, მარტინ შუეპმა განცხადება გაავრცელა, რომელშიც საუბარია მშვიდობიან მოსახლეობაში მსხვერპლის რაოდენობის ზრდის შესახებ.

"ათასობით მშვიდობიანი მოქალაქის მსგავსად, ICRC მოწმეა, როგორ ბომბავენ ჭურვებით დასახლებულ პუნქტებს, რაც იწვევს სიკვდილს, დაჭრასა და განადგურებას ფრონტის ორივე მხარეს. ეს მიუღებელია. სამწუხაროდ, ორი შვილის მამა, აზერბაიჯანის წითელი ნახევარმთვარის საზოგადოების მოხალისე, გარდაიცვალა დაშავდა კიდევ ორი მოხალისე. ICRC უსამძიმრებს მოხალისის ოჯახსა და აზერბაიჯანის წითელი ნახევარმთვარის საზოგადოებას", - აღნიშნულია განცხადებაში.

ICRC-ის ინფორმაციით, რეგიონში მცხოვრები სამოქალაქო პირები ამ მოვლენების შედეგებს განიცდიან. მშვიდობიან მოსახლეობაში გარდაცვლილთა რიცხვი მასშტაბურია, რაც შეშფოთებას იწვევს. გარდა ამისა, მაცხოვრებლები იღებენ ისეთ ჭრილობებს, რომლებიც მათ მთელ მომავალ ცხოვრებას ცვლის.

28 ოქტომბერს, სომხეთის შეიარაღებული ძალების მიერ საერთაშორისო სამართლით აკრძალული კასეტური რაკეტებით ქალაქ ბარდაზე განხორციელებული შეტევის შედეგად 21 ადამიანი დაიღუპა და 70-მდე - დაშავდა.

წყარო: report.ge
Print