საქართველოდან ოქროს ექსპორტი 34%-ით გაიზარდა. კერძოდ, 2020 წელს ქვეყნიდან 97,571 მლნ დოლარის ღირებულების დაუმუშავებელი ან ნახევრადდამუშავებული ოქროს ექსპორტი განხორციელდა, 2019 წელს კი 72,832 მლნ დოლარის. რაოდენობრივად, 2020-ში ქვეყნიდან ექსპორტზე 2,72 ტონა ოქრო გავიდა, 2019 წელს კი 2,62 ტონა.

საქსტატის მონაცემებით, შარშან საქართველომ ოქრო 4 ქვეყანაში გაყიდა, მათ შორის, ყველაზე მეტი შვეიცარიაში.

ქვეყნები, სადაც საქართველოდან ოქროს ექსპორტი განხორციელდა:

• შვეიცარია - 92,419 მლნ დოლარი
• გერმანია - 2,673 მლნ დოლარი
• თურქეთი - 1,281 მლნ დოლარი
• არაბთა გაერთიანებული საამიროები - 1,196 მლნ დოლარი

საქსტატის მიერ „ბიზნესპრესნიუსისთვის“ მოწოდებული ინფორმაციის მიხედვით, საქართველოდან დაუმუშავებელი და ნახევრადდამუშავებული ოქრო ოთხმა კომპანიამ გაიტანა:

• შპს „მიკროსაფინანსო ორგანიზაცია რიკო ექსპრესი“
• შპს RMG Gold
• შპს „ავაზა“
• შპს „სასწორი“

ცნობისთვის: კომპანიების ჩამონათვალი რეიტინგის მიხედვით არაა დალაგებული.