ახმეტაში ხანძრის შედეგად მიცვალებული დაიწვა
კახეთში, ახმეტის მუნიციპალიტეტში გვიან ღამით ხანძარი გაჩნდა.

ცეცხლი საცხოვრებელ სახლს მოეკიდა, სადაც მიცვალებული იყო დასვენებული.

შემთხვევის შედეგად, სახლის ნაწილი და ადამიანის ცხედარი დაიწვა.

ასევე დამწვარია,საყოფაცხოვრებო ტექნიკა და შენობის მეორე სართულზე მდებარე რამდენიმე ოთახი

წინასწარი ინფორმაციით, ხანძარი გარდაცვლილთან დანთებული სანთლის შედეგად გაჩნდა.

შემთხვევის შედეგად არავინ დაშავებულა.

როგორც საგანგებო სიტუაციების მართვის სამსახურში report.ge-ს განუცხადეს ადგილზე მეხანძრე-მაშველების 5 ეკიპაჟი მუშაობდა. მაშველების დროული რეაგირების შედეგად სახლის ნაწილის გადარჩენა მოხერხდა.

წყარო: report.ge
Print